पोखरा । एभरेस्ट एफएमले शनिबार आयोजना गरेको आकस्मिक रक्तदानमा २ सय ५१ युनिट रगत संकलन भएको छ । जसमा २ सय ३ पुरुष र ४८ महिला रक्तदान कार्यक्रममा सहभागी भए ।
‘स्वस्थ जीवनका लागि रक्तदान, पूण्यका लागि रक्तदान’ भन्ने नाराका साथ आयोजित कार्यक्रमको एफएमकी कार्यकारी अध्यक्ष कर्मकुमारी गुरुङले पहिलो रक्तदाता गण्डकी प्रदेश उर्जा, जलस्रोत तथा खानेपानी मन्त्री फडिन्द्र देवकोटालाई ब्लडव्याग हस्तान्तरण गरेर उद्घाटन गरेकी थिइन् ।
मन्त्री देवकोटाले खेर जाने रगत दान गरेर मृत्युसँग लडिरहेका बिरामीको ज्यान बचाउन सकिने भएकाले योग्य व्यक्तिले समय समयमा रक्तदान गरिरहनुपर्ने बताए । गण्डकी प्रदेश सभा सदस्य प्रकाश बरालले एफएमले जीवन बचाउने अभियान क्रियाशील रहेकोमा प्रशंसा व्यक्त गरे ।
एफएमकी कार्यकारी अध्यक्ष गुरुङले एफएमले संस्थागत सामाजिक उत्तरदायित्वअन्तर्गत रक्तदान कार्यक्रम आयोजना गरेको बताइन् ।
प्रादेशिक रक्त सञ्चार केन्द्र पोखराका प्राविधिक प्रमुख अर्जुन ज्ञवालीले नियमित रक्तदान गरेर आफू पनि स्वस्थ बन्ने र अरुको पनि ज्यान बचाउन सकिने बताए ।
एभरेस्ट एफएम तथा एभरेस्ट आवाज डटकमका सम्पादक दीपेन्द्र श्रेष्ठले दशैँ तिहार लगायत चाडपर्व कारण नियमित रक्तदान कार्यक्रम नहुँदा रगत अभाव देखिएपछि प्रादेशिक रक्तसञ्चार केन्द्रको आह्वानमा कार्यक्रम गरिएको बताए ।
कार्यक्रममा सशस्त्र प्रहरी बल कालिका गण, तमु धिं नेपाल, तमु युवा समिति, नेवा ल्याम्ह पुचः, जिफन्ट गण्डकी, सिटिजन फर्निचर, पोखरेली युवा सांस्कृतिक परिवारलगायत संघसंस्थाहरुको संस्थागत सहभागिता थियो । कार्यक्रम पर्स्याङस्थित एफएम प्राङ्गणमा भएको हो ।
सम्बन्धित खबर
पूर्व गृहमन्त्री रवि लामिछानेका विषयमा भ्रम छरियोः कास्की प्रहरी
एभरेस्ट एफएमको आकस्मिक रक्तदानमा २ सय ५१ युनिट संकलन
चरक मेमोरियलका एमडी पोखरेलको नेतृत्वमा अफिन गण्डकी
नवलपुरमा जंगली च्याउ खाँदा एकै घरका ५ जना बिरामी
पोखराका पत्रकार केशव शरण प्रेस काउन्सिल सदस्य नियुक्त
राम्दीमा नयाँ पक्की पुल निर्माण कार्य तीब्र
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड