करिब ६ दशक पहिला बनेको पुल जीर्ण भएपछी राम्दीमा नयाँ पक्की पुल निर्माणकार्य तिव्र रुपले अघि बढेको छ ।
गण्डकी प्रदेशको स्याङ्जा जिल्ला र लुम्बिनी प्रदेशको पाल्पा जिल्ला जोड्ने सिद्धार्थ राजमार्ग अन्तर्गत रामनदी धाम राम्दीमा पुरानो पुल नजिकै नयाँ पक्की पुल निर्माणकार्यले तिव्र रुप लिएको हो ।
वि. सं. २०२८ मा गण्डकी र लुम्बिनी प्रदेश जोड्ने मुख्य मार्गका रुपमा रहेको सिद्धार्थ राजमार्ग निर्माण भएका बेला ‘स्टिल ट्रस’ हुँदै स्याङ्जा र पाल्पा जिल्लाको सङ्गमस्थल राम्दीमा पुल निर्माण गरिएको थियो । हाल जीर्ण रहेको सो पुलमा दोहोरो आवातजावतमा रोक लगाइएको छ ।
हाल सञ्चालनमा रहेको पुलभन्दा सात मिटर तल अर्को पुल बनाउन नेपाल सरकार सडक विभाग पुल महाशाखाले हिम सगरमाथा कन्स्ट्रक्सनसँग पुल निर्माणका लागि सम्झौता गरेको थियो ।
पुरानो पुल जीर्ण भएकाले राम्दीमा २७ करोड ७१ लाख रुपियाँ खर्चमा आगामी २०८२ असार मसान्तसम्म सक्नेगरी भएको सम्झौताअनुरूप हिम सगरमाथा कन्स्ट्रक्सनले नयाँ पुल निर्माणकार्यलाई तिव्रता दिएको पुल विभाग पुल सेक्टर पोखराका आयोजना प्रमुख सूचना अधिकारी तथा इञ्जीनियर आशिक रिजालले जानकारी दिए ।
राम्दीमा बन्दै गरेको नयाँ पक्की पुलको चौडाइ ११ मिटर, लम्बाइ एक सय आठ मिटर र दायाँबायाँ झण्डै डेढ मीटरको फुटपाथ रहने पुल आयोजनाले जनाएको छ । नयाँ निर्माण हुन लागेको उक्त पुलको ४० टनसम्मको भारवाहन क्षमता रहने बताइएको छ ।
पुल बनेपछि सिद्धार्थ राजमार्गमा दुईतर्फी आवतजावत सहज हुने स्थानीय बासिन्दाको भनाइ छ । ५३ वर्ष अघि बनेको पुरानो पुल जीर्ण भएपछि चार वर्षदेखि एकतर्फी मात्र यातायात सञ्चालन गरिएको छ ।
सम्बन्धित खबर
राम्दीमा नयाँ पक्की पुल निर्माण कार्य तीब्र
स्याङ्जामा खुल्ला रक्तदान, १३६ युनिट रगत संकलन
गल्याङ नगर अस्पतालको उद्घाटन
स्याङ्जामा विद्यार्थीको आकर्षण बन्यो नाटक ‘एक चिहान’
स्याङ्जाका तीन खेलाडी यु-१९ महिला विश्वकप छनौटमा परे
पेल्काचौरमा भलिबल प्रतियोगिता सम्पन्न
यो पनि पढौँ
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते