काठमाडौँ – प्रमुख प्रतिपक्ष दल नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डले वर्तमान सरकारलाई अहिले नै ढाल्ने पक्षमा आफूहरु नरहेको बताएका छन्।
अध्यक्ष दाहालले सरकारलाई तत्काल हटाउनका लागि आफूहरुले खबरदारी सभा नगरेको पनि बताए। शनिबार काठमाडौँमा पार्टीद्वारा आयोजित खबरदारी सभामा बोल्दै उनले सडकबाट सरकार फेर्ने भन्ने कांग्रेस—एमाले नेतृत्वको सरकारलाई परेको भए त्यो भ्रम मात्रै हुने पनि बताए।
ढुक्कसँग सरकार चलाए हुने अध्यक्ष दाहालको भनाइ थियो। उनले काँग्रेस–एमालेलाई बेइमान, भ्रष्ट, विचौलियाहरुको पार्टी भएको आरोप लगाउँदै अब प्रधानमन्त्री, मन्त्री बनाउनका लागि फकाउन आउने पक्षमा नरहेको पनि बताए।
सरकारलाई बेथिति बढाउन नदिन, भ्रष्टाचारीलाई संरक्षण गर्न नदिन, संविधानको रक्षा गर्दै समृद्धिको पक्षमा काम गराउन आफूहरुले सरकारलाई खवरदारी गरेको जिकिर गर्दै अध्यक्ष दाहालले त्यसमा तलमाथि भए सह्यै नहुने बताए।
उनले भने, ‘अहिले सरकार हटाउनका लागि यो खबरदारी सभा गरिएको होइन। हामीलाई राम्रोसँग थाहा छ, संघीय लोकतान्त्रिक गणतन्त्रको रक्षाको निम्ति हामी के जिम्मेवारी पूरा गर्नुपर्छ भन्ने कुरा हामीलाई गहिरो गरी बोध छ। बरु हामीले यो खवरदारी सभाको घोषणा गर्नेबित्तिकै सत्ता पक्षमा जुन आतंक देखापर्यो। सरकार आजै ढल्छ, भोलि ढल्छ हामीले भनेका छैनौँ।’
अध्यक्ष दाहालले आगामी निर्वाचनमा आफ्नो पार्टीले एक्लै चुनाव लड्ने घोषणा पनि गरे। कांग्रेस र एमालेजस्ता पार्टीसँग मिलेर चुनाव नलड्ने उनको भनाइ थियो।
अध्यक्ष दाहालले आफ्नो पार्टीले आगामी निर्वाचनमा एक्लै चुनाव लडेर कांग्रेस र एमालेलाई जनस्तरबाट सजाय दिन चाहेको पनि बताए।
सम्बन्धित खबर
विश्वकप लिग–२ : आज नेपाल अमेरिकासँग खेल्दै
साफ महिला च्याम्पियनसिपः फाइनलमा पुग्न नेपालले आज भारतसँग खेल्दै
दोलखा केन्द्रविन्दु भएर ४.५ म्याग्निच्युडको भूकम्प
यी स्थानमा बदली र वर्षाको सम्भावना
भ्रष्टाचार र ठगीसम्बन्धी कारबाहीमा हाम्रो समर्थन छ: माओवादी वरिष्ठ उपाध्यक्ष श्रेष्ठ
डेङ्गी संक्रमितको सङ्ख्या २७ हजार नाघ्यो
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड