काठमाडौं । ललितपुरको मितेरी सहकारी ठगीका आरोपीहरूविरुद्ध रेड नोटिस जारी गर्न नेपाल प्रहरीले अन्तर्राष्ट्रिय प्रहरी संगठन (इन्टरपोल)लाई पत्राचार गरेको छ । रेड नोटिस जारी गर्न भनिएका आरोपीहरूमा नेपाली कांग्रेसका उपसभापति धनराज गुरुङकी पूर्वपत्नी ज्योति गुरुङ पनि छिन् ।
यो सहकारी ठगीको विषयमा नेपाल प्रहरीको केन्द्रीय अनुसन्धान ब्युरो (सीआईबी) ले अनुसन्धान गरिरहेको छ । सीआइबीकै आग्रहमा प्रहरीको नेसनल कन्ट्रोल ब्युरो (एनसिबी) ले इन्टरपोललाई पत्राचार गरेको हो ।
रेड नोटिस जारी गर्नका लागि पत्राचार गरिएका आरोपीहरूमा धनराजकी पूर्वपत्नी ज्योति गुरुङ र मितेरी सहकारीकै ज्योतिबहादुर भण्डारी छन् । ठगी भएको समयमा ज्योयि गुरुङ सहकारीमा प्रबन्ध निर्देशक थिइन् । उनले भण्डारीसँग मिलेर बचतकर्ताको रकम अपचलन गरेको आरोप छ । मितेरी सहकारीबाट बचतकर्ताको १२ करोड ५९ लाख रुपैयाँ हिनामिना भएको अनुसन्धानमा देखिएको छ ।
ज्योतिसँग धनराजले २०७६ फागुनमा सम्बन्धबिच्छेद गरिसकेको बताएका छन् । सम्बन्धविच्छेदको कागजात भए पनि उनीहरूले कागजी रूपमा नक्कली सम्बन्धविच्छेद गरेको आरोप छ किनभने धनराजले सम्बन्धविछ्छेदपछि पनि पूर्वपत्नीले चलाएको रकम तिर्दै आएको सहकारीका अध्यक्षले बताएका छन् ।
सम्बन्धित खबर
ज्योतिको गल्तीमा म दोषी भए रविको गल्तीमा निकितालाई कारबाही गर्न किन माग नगरेको?: धनराज गुरुङ
धनराजकी पूर्वपत्नीसहित मितेरीका आरोपीविरुद्ध रेड नोटिस जारी गर्न इन्टरपोललाई पत्राचार
समाजवादी पार्टीको महाधिवेशन माघ २५ देखि २७ सम्म काठमाडौंमा
कमलरी अभियन्ता उर्मिला चौधरीलाई अन्तर्राष्ट्रिय अवार्ड
काठमाडाैंदेखि पाेखरासम्म अर्जुनको दाैड
स्कूल बसको ठक्करबाट एक बालिकाको मृत्यु, स्थानीयले जलाए बस
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
पर्यटन व्यवसायी मिश्रको डेंगु संक्रमणबाट निधन