पोखरा । नेपाल समाजवादी पार्टी (नेसपा) ले आगामी माघ २५–२७ सम्म काठमाडौंमा महाधिवेशन गर्ने निर्णय गरेको छ ।
पोखरामा दुई दिनसम्म चलेको प्रथम विधान अधिवेशनमा उक्त मितिमा काठमाडौंमा महाधिवेशन गर्ने सचिवालय बैठकको निर्णय पारित गरेको हो । महाधिवेशनले प्रत्येक पार्टी सदस्यले प्रत्यक्ष मतदान गर्ने व्यवस्था गरेको छ ।
यसैगरी, विधान अधिवेशनले पार्टीको नाम र झण्डासमेत परिवर्तन गर्ने निर्णय पारित गरेको छ । अब पार्टीको नाम ‘नेपाल समाजवादी पार्टी (नयाँ शक्ति)’ र संक्षिप्तमा ‘नेसपा नयाँ शक्ति’ भएको छ ।
अधिवेशनले पार्टीको केन्द्रीय समिति सदस्य ९९ जना, ११ सदस्यीय पदाधिकारी हुने व्यवस्था पारित गरेको छ । जसमा १ अध्यक्ष, ५ उपाध्यक्ष (१ महिला, १ जनजाति, १ मधेसी, १ खस आर्य, १ दलित), १ महासचिव, ३ सचिव, १ कोषाध्यक्ष हुनेछन् । निर्वाचन समिति ३३ सदस्यीय हुनेछन् ।
सबै तहमा प्रत्यक्ष निर्वाचन प्रणालीबाट नेतृत्व चयनको व्यवस्था पारित गरिएको छ । पार्टीमा युवाको नेतृत्व स्थानीय तहमा ४० प्रतिशत, प्रदेशमा ३० र केन्द्रमा २० प्रतिशतको व्यवस्था गरिएको छ । त्यस्तै, सबै समितिमा महिला पदाधिकारी ३३ प्रतिशतको व्यवस्था पनि विधानमा गरिएको छ ।
विधान अधिवेशनमा पार्टीको आयव्यय प्रस्तुत गरिएकोमा ७ लाख ५० हजार आय र ९ लाख ७७ हजार रुपैयाँ व्यय रहेको जनाइएको छ ।
पोखरा सभागृहमा चलेको पार्टीको प्रथम विधान अधिवेशनमा देशरभका ७१ जिल्ला र विदेश (६ देश) बाट करिब ५ सय प्रतिनिधिले भाग लिएका थिए ।
सम्बन्धित खबर
ज्योतिको गल्तीमा म दोषी भए रविको गल्तीमा निकितालाई कारबाही गर्न किन माग नगरेको?: धनराज गुरुङ
धनराजकी पूर्वपत्नीसहित मितेरीका आरोपीविरुद्ध रेड नोटिस जारी गर्न इन्टरपोललाई पत्राचार
समाजवादी पार्टीको महाधिवेशन माघ २५ देखि २७ सम्म काठमाडौंमा
कमलरी अभियन्ता उर्मिला चौधरीलाई अन्तर्राष्ट्रिय अवार्ड
काठमाडाैंदेखि पाेखरासम्म अर्जुनको दाैड
स्कूल बसको ठक्करबाट एक बालिकाको मृत्यु, स्थानीयले जलाए बस
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
पर्यटन व्यवसायी मिश्रको डेंगु संक्रमणबाट निधन