पोखरा । राष्ट्रिय स्वतन्त्र पार्टी रास्वपाका कार्यकर्ताहरूले प्रदर्शनका क्रममा पत्रकारमाथिआक्रमण गरेका छन् । दुई पत्रकार घाइते भए भने क्यामेरासमेत फुटेको छ ।
आइतबार मध्यान्ह १२ बजेदेखि पोखराको शहीद चोकमा पार्टी सभापति रवि लामिछाने पक्राउको विरोधमा कार्यकर्ताले निषेधाज्ञा तोड्दै प्रदर्शन गरेकामा समाचार संकलनका लागि गएका पत्रकारलाई ‘हाम्रो पार्टीविरुद्ध समाचार प्रसारण गर्ने…..’ लगायतका अनर्गल गाली गलौज पनि गरेका थिए ।
सो क्रममा प्रदर्शनकारीको ढुङ्गा प्रहारबाट एपीवान टेलिभिजनका गण्डकी व्युरो प्रमुख सागरराज तिमिल्सेना, सुनगाभा न्यूज डटकमका समाचार प्रमुख सुशान्त गाहामगर घाइते भएका छन् । दुवैको हातमा चोट लागेको छ भने गाहामगरले प्रयोग गर्ने क्यामेरासमेत फुटेको छ ।
त्यस्तै, प्राइम टेलिभिजनमा प्रत्यक्ष प्रशारणमा संलग्न पत्रकारद्वय निरज तामाङ, अनिता घिमिरे र क्यामेरापर्सन अर्जुन भण्डारीमाथि हातपात गर्नुका साथै क्यामेरा तोडफोडको प्रयास भएको छ ।
उक्त घटनाप्रति नेपाल पत्रकार महासंघ केन्द्रीय समिति, गण्डकी प्रदेश समिति, कास्की शाखा र प्रेस चौतारी नेपाल, कास्की शाखाले गम्भीर ध्यानाकर्षण भएको जनाउँदै पत्रकारमाथि भएको हर्कत अत्यन्त निन्दनीय र प्रेस स्वतन्त्रतामाथिको प्रहार भएको बताएको छ । यो घटनाले पत्रकार र नागरिकको संविधानप्रदत्त अधिकारमासमेत हस्तक्षेप भएको ठहर गर्दै महासंघले कडा शब्दमा भर्त्सना गरेको छ ।
घटनामा संलग्नमाथि तत्काल कडा कानूनी कारबाहीका लागि प्रक्रिया अगाडि बढाउनसमेत महासंघले माग गरेको छ ।
सम्बन्धित खबर
पाेखरामा रास्वपा कार्यकर्ताबाट पत्रकारमाथि आक्रमण भएकाेमा पत्रकार संघसंगठनकाे आपत्ति
रास्वपाको आज पनि पोखरामा विरोध प्रदर्शन
रवि लामिछानेलाई ६ दिन हिरासतमा राख्न अनुमति
रविका समर्थकले निषेधित घेरा तोडेपछि अश्रु ग्याँस र पानीको फोहराले धपाइँदै
पोखरामा निषेधाज्ञा जारी, ५ जनाभन्दा धेरै भेला हुन नपाइने
रवि लामिछानेलाई आज कास्की जिल्ला अदालतमा उपस्थित गराइँदै
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
स्याङ्जाका तेजनले आठ हजार मिटर अग्ला १४ हिमाल आरोहण गरे