झ्याप्ले खोलाको पहिरोमा पुरिएर मृत्यु हुने सबैको पहिचान खुलेको छ । धादिङको धुनिवेशी नगरपालिका- ९ झ्याप्ले खोलामा खसेको पहिरोमा पुरिएर ३५ जनाको मृत्यु भएको थियो ।
असोज ११ गते सडकमाथिबाट खसेको पहिरोले दुई वटा माइक्रो र एउटा बस पुरिएको हो । पहिरोमा पुरिएर ज्यान गुमाउने सबैको पहिचान भइसकेको जिल्ला प्रहरी कार्यालय चितवनका प्रहरी निरीक्षक प्रल्हाद सिलवालले बताए । उनका अनुसार सबैको पहिचान खुलेर पनि शव आफन्तलाई बुझाइसकिएको छ ।
असोज ११ गतेपछि बाढी पहिरोमा परेर हालसम्म देशभर २३३ जनाको मृत्यु भएको नेपाल प्रहरीले जनाएको छ । २२ जना अझै वेपत्ता छन् भने १६९ जना घाइते भएका हुन् ।
१७ हजार १२० भन्दी बढी प्रभावितको उद्धार गरेको उल्लेख गरिएको छ ।
गण्डकीका १३ जना परे
झ्याप्ले खोलाको पहिरोमा गण्डकी प्रदेशका १३ जनाले ज्यान गुमाएका छन् । गोरखाका ५ जना, स्याङ्जाका ३, बागलुङका २, तनहुँका २ र पर्वतका १ जनाको मृत्यु भएको छ ।
गोरखाको भिमसेन गाउँपालिका- ४ का ४७ वर्षीय मदन परियार दमै, भिमसेन गाउँपालिका- ४ का १५ वर्षीय विनायक भट्टराई, धार्चे गाउँपालिका- ७ का २७ वर्षीय सुके दमै, बारपाक सुलिकोट गाउँपालिका- ७ का २८ वर्षीय नवराज पन्त, गण्डकी गाउँपालिका- ४ का ४० वर्षीय नवराज तिवारीको मृत्यु भएको छ ।
स्याङजाको गल्याङ नगरपालिका- ३ की ४५ वर्षीया सिता भट्टराई, दीपिका भट्टराई र दिपेश भट्टराई रहेका छन् । तनहुँको भानु नगरपालिका- ३ का २६ वर्षीय जनक कुवँर, व्यास नगरपालिका- ५ का ३४ वर्षीय लेखनाथ ओझा, बागलुङको बडिगाड गाउँपालिका- २ का ५२ वर्षीय इन्द्रजीत राना र भीमकुमारी राना रहेका छन् ।
पर्वतको कुश्मा नगरपालिका- २ का ३१ वर्षीया पुष्पा शर्माको पनि झ्याप्ले खोलाको पहिरोमा पुरिएर ज्यान गएको छ ।
सम्बन्धित खबर
हुम्लामा जीप दुर्घटना हुँदा २ जनाको मृत्यु
जिउँदो खसी र च्याङ्ग्राको मूल्य तोकियो, खसीको प्रतिकिलो ६७०, च्याङ्ग्राको १२२०
शिक्षकको तलब मासिक रूपमा दिने व्यवस्था मिलाउन निर्देशन
बागमती सरकारले विपद् प्रभावित पालिकालाई ५ करोड ८० लाख रुपैयाँ उपलब्ध गराउने
शुक्लाफाँटा राष्ट्रिय निकुञ्जमा गर्भवती हात्ती मृत फेला
लमजुङ आउँदै गरेको गाडी नुवाकोटमा दुर्घटना, चालकको मृत्यु
यो पनि पढौँ
पश्चिमाञ्चल क्षेत्रीय अस्पतालबाट डिस्चार्ज गरिएको भोलिपल्टै विजयपुर खोलामा शिशु मृत फेला
‘हनी ट्रयाप’मा पारेर ज्यान लिने मनिषा, बागलुङका प्रतिक गौतमसहित ५ जना पक्राउ
पोखरा विमानस्थल विहीबारदेखि बिहान साढे ४ बजेदेखि नै सञ्चालन
झ्याप्ले खोलामा पुरिएर मृत्यु हुने ३५ जना सबैको सनाखत, गण्डकीका १३ जना (सूचीसहित)