पोखरा । गत असोज १३ गते पोखराको चाउथे नजिकै विजयपुर खोलामा एक शिशुको शव झोलाभित्र भेटियो । शिशुको पहिचान खुल्न नसकेपछि अनुसन्धानलाई वडा प्रहरी रामबजार र कास्की प्रहरीले तीब्रता दियो ।
ती शिशु असोज ११ गते पश्चिमाञ्चल क्षेत्रीय अस्पतालमा जन्मिएको अनुसन्धानबाट पत्ता लाग्यो । अस्पतालसँगको समन्वयमा बच्चाको बाबुआमा, ठेगाना लगायत सबै विवरण प्रहरीले पाइसकेको छ । सीसीटीभी फुटेजबाट पहिचान पनि भइसकेको छ । लोकेशन निकट प्रहरी पुगेको छ ।
असोज ११ गते जन्मिएको बच्चा भोलिपल्ट १२ गते नै स्वास्थ्य सामान्य रहेकाले डिस्चार्ज गरिएको अस्पताल प्रशासनले प्रहरीसामु बताएको छ । तर, १३ गते उनको शव विजयपुर खोलामा झोलाभित्र भेटियो ।
कास्कीका प्रहरी प्रवक्ता डीएसपी बसन्तकुमार शर्माले शिशुको अभिभावक निकट प्रहरी पुगिसकेको गण्डकन्यूजलाई बताए ।
‘बच्चा झोलाभित्र भेटिएपछि अनुसन्धानको क्रममा क्षेत्रीय अस्पतालमा जन्मिएको पत्ता लाग्यो । त्यसपछि अस्पतालकै समन्वयमा बच्चाका आमाबाबु, ठेगाना सबै थाहा पाइसकेका छौँ । सीसीटीभी फुटेजका आधारमा कहाँ गए ? लोकेशन निकट छौँ । पक्रेर सार्वजनिक गरिहाल्छौँ । पक्राउ गर्नुपर्ने भएकाले थप कुरा अहिले भन्न मिलेन ।’ डीएसपी शर्माले भने ।
नुवाकोट जिल्लाका ती जोडीले १० वर्ष अघि बिहे गरेको थाहा हुन आएको छ । बच्चा किन खोलामा मृत भेटियो ? भन्नेबारे थप कुरा उनीहरुबाटै थाहा हुने डीएसपी शर्माले बताए ।
उनीहरुले बच्चा डिस्चार्ज भएपछि अस्पतालबाट बर्थ सटिफिकेट पनि लिएका थिए । शिशुको शव पश्चिमाञ्चल क्षेत्रीय अस्पतालमै छ । आफन्त नभएका कारण पोष्टमार्टम भएको छैन ।
सम्बन्धित खबर
‘हनी ट्रयाप’मा पारेर ज्यान लिने मनिषा, बागलुङका प्रतिक गौतमसहित ५ जना पक्राउ
स्याङ्जामा घनले टाउकोमा प्रहार गरी एकको हत्या
पश्चिमाञ्चल क्षेत्रीय अस्पतालबाट डिस्चार्ज गरिएको भोलिपल्टै विजयपुर खोलामा शिशु मृत फेला
जिबी राईसँग मिलेमतो गरी ३ करोड बढी आफ्नो खातामा सार्ने लिला पोखरामा पक्राउ
७५ हजार धरौटीमा छुटे डा. ढाकाकुमार
इन्टरपोलबाट रेड नोटिस जारी भएका ३ जना दुबईबाट पक्राउ
यो पनि पढौँ
पश्चिमाञ्चल क्षेत्रीय अस्पतालबाट डिस्चार्ज गरिएको भोलिपल्टै विजयपुर खोलामा शिशु मृत फेला
‘हनी ट्रयाप’मा पारेर ज्यान लिने मनिषा, बागलुङका प्रतिक गौतमसहित ५ जना पक्राउ
धादिङको झ्याप्लेखोला पहिरोमा बससँगै पुरिएका १४ शव निकालिए
पोखरा विमानस्थल विहीबारदेखि बिहान साढे ४ बजेदेखि नै सञ्चालन