अरिङ्गालले चिल्दा लमजुङको बेंसीशहर नगरपालिका ३, गाउँशहरस्थित लमजुङ माविका ४ जना छात्रा घाइते भएका छन् ।
घरबाट विद्यालय जाँदै गरेका उनीहरुलाई काउलेपानी नआइपुग्दै डम्फू हाउसनेर खोल्सीमा बिहीबार बिहान अरिङ्गालले चिलेको प्रहरीले बताएको छ ।
बिहान पौने १० बजेको समयमा अरिङ्गालले चिल्दा कक्षा ६ की १० वर्षिया करुणा तामाङ र १३ वर्षिया रीता गुरुङ, कक्षा ७ की १२ वर्षिया अर्चना तामाङ र कक्षा ८ की १३ वर्षिया संगीता तामाङ घाइते भएका हुन् ।
प्रहरीका अनुसार उनीहरुलाई बिहान ११ बजे बेंसीशहरस्थित लमजुङ अस्पतालमा लगी उपचार गरिएको छ । विद्यालयका शिक्षक रत्नबहादुर घिमिरेका अनुसार तामाङ ३ जनाको घर बेंसीसहर नगरपालिका ५, बाख्रेजगत र गुरुङको घर बारपोले हो ।
उनीहरु बिहान विद्यालय पोशाकमै रुँदै कराउँदै विद्यालय पुगेको उनले बताए । दौडिँदै आएका उनीहरुले चप्पल र झोलासमेत बाटोमै छोडेको र घाइते अवस्थामा आएका विद्यार्थीलाई अस्पतालमा लगिएको उनले बताए ।
जिल्ला प्रहरी कार्यालयका प्रहरी निरीक्षक टुलबहादुर श्रेष्ठले अरिङ्गालले विद्यार्थीका टाउको, छाती तथा शरीरका अन्य भागमा टोकेर घाइते बनाएको बताए । उनका अनुसार विद्यार्थीको लमजुङ अस्पतालमा उपचार भएको र अवस्था सामान्य रहेको छ ।
सम्बन्धित खबर
लमजुङको मकैडाँडमामा जीप दुर्घटना हुँदा २२ घाइते
लमजुङको दूधपोखरी गाउँपालिकाकी पूर्वअध्यक्ष छुपीमायाको निधन
लमजुङमा हँसिया प्रहार गरी बुबाले गरे छोराको हत्या
अरिङ्गालले चिल्दा लमजुङमा ४ छात्रा घाइते
लमजुङको डुम्रे–बेँसीशहर सडक खुल्यो
पहिरोले डुम्रे-बेशीशहर सडक अवरुद्ध, साँझदेखि यात्रु विचल्ली
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
दशैंमा तनहुँ ससुराली आएका ज्वाईंको मादीले बगाएर मृत्यु