पोखरा उद्योग वाणिज्य संघको नेतृत्व होडमा उभिएका सबैभन्दा कान्छा उम्मेदवार हुन् सौगात थापा । उनी नयाँ भने होइनन्, यसअघिको कार्यसमितिमै मनोनित भएर अनुभव बटुलिसकेका छन् ।
पोखरा उद्योग वाणिज्य संघको ३५ औं महाधिवेशनमा सदस्य पदमा उनी प्रतिष्पर्धामा छन् । भदौ २८ र २९ गते हुने महाधिवेशनका लागि अर्जुन पोखरेल प्यानलबाट सदस्यमा उठेका छन् । उनको क्रम संख्या १४ हो ।
चुनावका बेला युवा शब्द नारामा छुट्दैनन् । तर, नेतृत्वमा युवा स्विकार नगरेको अवस्था छ । थापा भने यसपाली यसै विषयलाई नारा दिएर चुनावी मैदानमा छन् । उनको नारा छ ‘नारामा युवा पटक पटक, नेतृत्वमा युवा यस पटक’ ।
शनिबार पोउवासंघमा भएको उम्मेद्वार परिचय कार्यक्रममा बोल्दै सौगातले उद्योग वाणिज्य संघको छविलाई उचाल्न युवा नेतृत्वको आवश्यकता रहेको उल्लेख गरे ।
युवा व्यवसायीका समस्यालाई सम्बोधन गर्न आफ्नो उम्मेदवारी रहेको भनाई उनको छ ।
यसअघि पवन प्रजापतिको नेतृत्वमा रहेको कार्यसमिति टीममा रही अनुभव लिएका थापाले व्यवसायमा आफ्नो उर्जा र समय खर्च गर्दै जाँदा व्यवसायीहरुका कयौँ समस्या र नीतिगत रुपमा भएका अफ्ठ्याराहरु नजिकबाट महसुस गरेको बताए ।
उनले बुवा विन्दुकुमार थापाको पथलाई पछ्याउँदै उद्योग वाणिज्य संघमा आवद्ध भई व्यवसायीको पीरमर्कालाई सम्बोधन गर्ने प्रतिबद्धता समेत व्यक्त गरेका छन् ।
बुवाले सेवा गरेको संस्था आफ्ना लागि मन्दिर जस्तो पवित्र भएको उल्लेख गर्दै सेवामा समर्पित हुने उनले बताए । बुवाको राजनीतिमा सक्रियता बढ्दै गएपछि सम्पूर्ण व्यवसायको जिम्मेवारी सम्हाल्दै आएका सौगात टीममा विश्वास गर्छन् ।
‘सोचेको ठूलो काम गर्नुछ भने त्यो समूहमा मात्रै सम्भव छ । त्यसैले अहिले म होइन मेरो टीमको विश्वासमा यहाँहरुका अगाडि उभिएको छु । अध्यक्षका रुपमा प्रत्यासी रहनुभएका दाइ अर्जुन पोखरेलको टीमबाट यो निर्वाचनमा हामी उद्योगी व्यवसायीका घरदैलो र मनसम्म पुगेका छौँ । अर्जुन पोखरेलको टीम कुनै गुटगत टीम होइन बरु उर्जाले भरिएका विभिन्न उमेर समुह र अनुभवका अनेक खुडकिलो पार गरेका व्यक्तिहरुको साझा टीम हो । हाम्रो एकता छ ।’ उनको भनाई छ ।
आफू र आफ्नो टीमसँग स्पष्ट खाका र उद्योगी व्यवसायीलाई परेको व्यथाको यथार्थ ज्ञान भएको उनले बताए । संघलाई अगाडि बढाउन योजना र सपना भएकाले पोखरेल प्यानललाई नै मत दिन व्यवसायीलाई उनको आग्रह छ ।
व्यक्तिका रुपमा कसले चुनाव जित्छ त्यो महत्वपूर्ण नभई कुन टीमले के गर्न सक्छ, त्यो महत्वपूर्ण भएको भनाई उनको छ । व्यवसायीहरूको सल्लाह र सुझाव बमोजिम हकहित र पैरवीमा लाग्ने विषयमा आफू सचेत भएको समेत उनले उल्लेख गरेका छन् ।
सम्बन्धित खबर
पोखराका अरुण गिरी राप्रपा केन्द्रीय सदस्य मनाेनित
संविधान दिवस : सहिदचोकमा दीप प्रज्वलन
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
प्रदेशका समस्या बोकेर गण्डकीका स्वास्थ्यमन्त्री सिंहदरबारमा
संविधान दिवस : स्याङ्जामा रक्तदान तथा फलफूल वितरण
स्याङ्जामा संविधान दिवस तीन दिन मनाइने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग