पोखरामा मोटरसाइकलको स्वरुप परिवर्तन (मोडिफाइड) गरिएका डेढ सय  मोटरसाइकल प्रहरीले नियन्त्रणमा लिएको छ ।

साउन ३० देखि ४ दिनमा १ सय ४९ वटा मोटरसाइल नियन्त्रणमा लिएको जिल्ला प्रहरी कार्यालय कास्कीका डिएसपी बसन्तकुमार शर्माले बताए ।

कास्कीका प्रहरी चौकी र ट्राफिक प्रहरी कार्यालय कास्कीले मोटरसाइकलको स्वरुप परिवर्तन गरि होहल्ला गर्दै हिड्ने, ध्वनी प्रदुषण गर्ने मोटरसाइकललाई नियन्त्रणमा लिइएको उनले बताए ।

मोडिफाइड गरिएका मोटरसाइकललाई कारवाही गर्दा करिव २२ लाख राजश्व संकलन हुने अनुमान रहेको डिएसपी शर्माको भनाइ छ ।

उनका अनुसार यसअघि कास्की प्रहरी र ट्राफिक प्रहरीले २०८० असोज २१ देखि अनुमति विना स्वरुप परिवर्तन गर्ने २२ वटा मोटरसाइकललाई कारवाही गरिएको थियो ।

स्वरुप परिवर्तन गर्ने सवारी धनी र वर्कसप सञ्चालकहरूलाई मुलुकी अपराध संहिता, २०७४ वमोजिम सार्वजनिक शान्ति भंग वा अभद्र व्यवहारको कसूरमा मुद्दा चलाइने कास्की प्रहरीले जनाएको छ ।