पोखरा विमानस्थल स्थित ह्याङ्गरमा मर्मतका लागि उडेको सौर्य एयरलाइन्सको ९ एन एएमई ९सीआरजे २००० जहाज त्रिभुवन विमानस्थलको रनवे छाड्नेबित्तिकै दुर्घटना भयो ।
बिहान ११ बजे प्राविधिक परीक्षणका लागि पोखरा विमानस्थलतर्फ जाने क्रममा यो जहाज दुर्घटनामा परेको हो ।
यो जहाजको इन्जिनको पूर्ण मर्मत (सी–चेक)का लागि पोखरा आउने क्रममा थियो । यो जहाज पोखरास्थित ह्यांगरमा एक महिना राखेर मर्मत गर्ने तयारी थियो । पोखरा क्षेत्रीय अन्तर्राष्ट्रिय विमानस्थल कार्यालयकी प्रवक्ता जसोदा सुवेदीका अनुसार पोखराको ह्यांगरमा राखेर मर्मतका लागि उक्त विमान कम्पनीले अनुमति लिएको थियो ।
परीक्षण उडानमा रहेकाले यो जहाजमा टिकट काटेका सर्वसाधारण यात्रु थिएनन् । पोखरामा नियमित उडान नभएको सौर्यको यो जहाजले उसकै कर्मचारी र इन्जिनियरसहित १९ जनालाई बोकेको थियो ।
आफ्नै कम्पनीका इन्जिनियर र कर्मचारी लिएर ०२ रनवे बाट २० तर्फ उड्ने क्रममा दुर्घटनामा परेको हो । विमानस्थल स्रोतका अनुसार जहाजमा चालक दलका दुईजना सदस्य, सौर्यका कर्मचारी र इन्जियनियर सवार थिए ।
नागरिक उड्यन प्राधिकरणका अनुसार विमानमा पाइलट मनिष शाक्य र को-पाइलट एस कटवाल रहेका थिए।
त्यसैगरी जहाजमा अमितमान महर्जन, सागर आचार्य, दिलिप बर्मा, मनुराज शर्मा, अस्बिन निरौला, सुदिपलाल जोशी, सर्वेश मरासैनी, श्याम बिन्दुकार, नवराज आले, राजाराम आचार्य, प्रिज्जा खतिवडा, अधिराज शर्मा, उद्वव पुरी, यज्ञप्रसाद पौडेल, सन्तोष महतो, पून्यरत्न शाही र अर्का विदेशी नागरिक Aref Reda सवार रहेका थिए।
पाइलट मनिष शाक्यलाई उद्धार गरेर उपचारका लागि अस्पताल लगिएको छ। अन्य १८ जना जहाजसँगै जलेको अवस्थामा भेटिएका छन् ।
विमानमा सवार यात्रुको शव यत्रतत्र छरिएर रहेका अवस्थामा संकलन गरिएको छ ।
सम्बन्धित खबर
बागलुङमा जीप दुर्घटना हुँदा ३ जनाको मृत्यु
माछा मार्न गएका दुई युवकलाई राप्ती नदीले बगायो
गैंडाकोट दुर्घटना [अपडेट]: घाइते स्याङ्जाकी श्रीमायाको पनि मृत्यु
बसको ठक्करबाट ७ वर्षीय बालकको मृत्यु, स्याङ्जाकी श्रीमाया घाइते
पर्वत एम्बुलेन्स दुर्घटना [अपडेट]: घाइते महिलाको मृत्यु, आफन्तले आज शव बुझे
सेती नदी खोल्सामा खस्यो कार, पार्किङका लागि ब्याक गर्ने क्रममा दुर्घटना
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग