जिल्ला ट्राफिक प्रहरी कार्यालय स्याङ्जाले एक वर्षमा एक करोड दश लाख ९७ हजार रुपियाँ राजस्व संकलन गरेको छ । आर्थिक वर्ष २०८०/०८१ मा संकलित उक्त राजस्व अहिलेसम्मकै धेरै हो । पछिल्लो तीन वर्ष यता राजस्व संकलन बढ्दो क्रममा छ ।
आर्थिक वर्ष २०७८/०७९ मा ७० लाख ८४ हजार र आ.व. २०७९/०८० मा एक करोड ७२ हजार रुपियाँ राजस्व संकलन भएको थियो । गत आर्थिक वर्ष २०८०/०८१ मा ट्राफिक प्रहरीले सबैभन्दा धेरै मोटरसाइकल र सबैभन्दा कम ट्याक्टर चालकलाई कारबाही गरेको छ । सो आवमा पाँच हजार मोटरसाइकल र एक हजार एक सय ६६ ट्याक्टर चालकलाई कारबाही गरिएको जिल्ला ट्राफिक कार्यालय स्याङ्जाका प्रमुख प्रहरी नायब निरीक्षक केशरबहादुर मल्लले जानकारी दिए ।
कार्यालय प्रमुख मल्लका अनुसार सो अवधिमा तीन हजार छ सय आठ जिप तथा कार, एक हजार ९ सय ३२ बस, एक हजार पाँच सय २४ ट्रक तथा टिप्पर र एक हजार तीन सय ८० अन्य सवारी चालक कारबाहीमा परेका छन् ।
एक वर्षमा जिल्लामा १८ वटा दुर्घटना भएको कार्यालय प्रमुख मल्लले जानकारी दिए । तीन बस, तीन जिप तथा कार, ट्याक्टर र टेम्पो दुई/दुई, एउटा ट्रक साथै मोटरसाइकल सात वटा दुर्घटनामा परेका थिए । दुर्घटनामा परी १२ जनाको मृत्यु भएको छ भने सख्त तथा सामान्य गरी १३ जना घाइते भएका छन् । यसभन्दा अघिल्लो आर्थिक वर्षमा २१ सवारीसाधन दुर्घटना हुँदा १२ जनाको मृत्यु र १३ जना घाइते भएका थिए ।
दुर्घटना न्यूनीकरण सम्बन्धी सचेतनामुलक कार्यक्रम प्रभावकारी बनाउनुका साथै ट्राफिक नियमलाई कडाइका साथ पालना गराउँदा गत वर्ष दुर्घटना कम भएको ट्राफिक कार्यालय प्रमुख नायब निरीक्षक केशरबहादुर मल्लले जानकारी दिए । उनले चेकजाँचका क्रममा पाँच वर्ष भन्दा बढी रिन्यु/नविकरण फेल भएका सवारीबाट मात्र २७ लाख ४५ हजार ९ सय ९६ रुपियाँ राजस्व संकलन गरेको बताए ।
सम्बन्धित खबर
अवैध ओसारपसारमा संलग्न वडा सदस्यका ट्याक्टर प्रहरी नियन्त्रणमा
स्याङ्जाकी जमुनाको ओमनमा रहस्यमय मृत्यु, न्याय खोज्दै कुमाल परिवार
स्याङ्जामा एक पालिका एक हुलाक कार्यालय
एक वर्षमा क्षयरोगबाट स्याङ्जाका १४ जनाको मृत्यु
मृगौला पीडितलाई फोटोग्राफरहरुको आर्थिक सहयोग
मितेरी सहकारी ठगी आरोपमा कांग्रेस उपसभापति गुरुङविरूद्ध उजुरी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग