पोखरा । नेकपा एमालेनिकट विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) जिल्ला कमिटी कास्कीले विद्यार्थी सम्मान तथा करिअर काउन्सिलिङ कार्यक्रम गर्ने भएको छ ।
हालै प्रकाशित २०८० सालको माध्यमिक शिक्षा परीक्षा (एसईई) मा ३.६ भन्दा बढी जीपीए ल्याउने विद्यार्थीलाई शनिबार सम्मान गर्न लागेको हो । कास्कीमा १ हजार ६५७ जनाले ३.६ भन्दा बढी जीपीए ल्याएका छन् । तीमध्ये २१ जनाले ४ जीपीए ल्याएका छन् । तीमध्ये एक हजार जना सम्पर्कमा आएको र उनीहरूलाई सम्मान गरिने अनेरास्ववियु कास्कीका अध्यक्ष सन्तोष पोखरेलले जानकारी दिए । ४ जीपीए ल्याउनेलाई सम्मापत्र र दोसल्ला, ३.६ देखि ४ जीपीएसम्म ल्याउनेलाई सम्मानपत्र र खादा लगाएर सम्मान गरिने उनले बताए ।
सहभागी हुने विद्यार्थीलाई गण्डकी विश्वविद्यालयका डिन डा. कपिल अधिकारी, एनएमबी बैंकका वरिष्ठ क्षेत्रीय प्रबन्धक अमृतराज बाँस्तोलाले करिअर काउन्सिलिङ गर्ने छन् । विद्यार्थीलाई अब कुन विषय पढ्दा ठिक हुन्छ, देशमा भएका अवसर र चुनौती, आफ्नो क्षमता पहिचानलगायत विषयमा जोड दिएर काउन्सिलिङ गरिने अनेरास्ववियु कास्कीका सचिव रवि क्षेत्रीले जानकारी दिए । ‘हामी विद्यार्थीको संगठन हौँ । त्यही भएर राम्रो गर्ने विद्यार्थीलाई प्रोत्साहन गर्नुपर्छ भनेर कार्यक्रम गर्न लागिएको हो,’ उनले भने ।
कार्यक्रम शनिबार बिहान १० बजे पृथ्वीनारायण क्याम्पस परिसरको गण्डकी प्रज्ञा प्रतिष्ठानको सभाहलमा हुनेछ । गण्डकी प्रदेशका निवर्तमान मुख्यमन्त्री एवं एमाले संसदीय दलका नेता खगराज अधिकारी कार्यक्रमको प्रमुख अतिथि रहने छन् ।
सम्बन्धित खबर
प्रतिभा माविद्वारा व्यवस्थापन संकायका अब्बल विद्यार्थीलाई सम्मान
पत्रकार महासंघ गण्डकी र कास्की भवनमा क्रियाशील पत्रकारले लगाए फेरि ताला
छाब्दीवाराही मन्दिर: धार्मिक गन्तव्यस्थल
कास्कीमा डेंगीबाट तीनको मृत्यु, ३७ सय बढी संक्रमित
पोखरामा कर्मचारी सञ्चय कोषको ६३ औं वार्षिकोत्सव मनाइयो
लमजुङको डुम्रे–बेँसीशहर सडक खुल्यो
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग