पोखरा लामाचौरबाट मंगलबारदेखि हराएका बालक सेती किनारमा मृत फेला परेका छन् ।
लामौचार बस्ने रामचन्द्र सिके र उर्मिला सिकेका साढे ३ वर्षका छोरा अनमोल साँझ साढे ५ बजेतिर केआई सिंह पुल नजिकै सेती नदी र कालीखोला मिसिएको दोभाननेर ढुंगामा अड्किएको अवस्थामा फेला परेको वडा प्रहरी कार्यालय बगरका प्रमुख प्रहरी निरीक्षक बोधराज रेग्मीले गण्डकन्यूजलाई जानकारी दिए ।
बच्चाको सनाखत बाबु रामचन्द्रले गरिसकेको प्रहरी निरीक्षक रेग्मीले बताए ।
मंगलबार बेलुकी करिब साढे ९ बजेतिर अनमोल हराएका थिए । अविरल वर्षाका कारण सडक जलमग्न हुँदा नालीमा बगेको हुन सक्ने अनुमान गरिएको रेग्मी बताउँछन् ।
बच्चा हराएको खबरपछि परिवार र प्रहरीले साँझसम्मै खोजतलास गरेका थिए । प्रहरी र मिडिया मार्फत् सूचना जारी गरिएको थियो । सेतीमा माछा मार्न आएका व्यक्तिले ढुंगामा बच्चा अड्किएको देखिएपछि प्रहरीलाई खबर गरेका थिए ।
बच्चा नदीको किनारसम्म कसरी पुग्यो ? भन्नेबारे गहिरो अनुसन्धानका लागि परिवारले माग गरेका छन् ।
सम्बन्धित खबर
प्रतिभा माविद्वारा व्यवस्थापन संकायका अब्बल विद्यार्थीलाई सम्मान
पत्रकार महासंघ गण्डकी र कास्की भवनमा क्रियाशील पत्रकारले लगाए फेरि ताला
कास्कीमा डेंगीबाट तीनको मृत्यु, ३७ सय बढी संक्रमित
पोखरामा कर्मचारी सञ्चय कोषको ६३ औं वार्षिकोत्सव मनाइयो
बालबालिकाको स्वास्थ्य परीक्षण, बाल सुधार गृहमा फलफूल वितरण
सुरेशको नेतृत्वमा राष्ट्रिय दलित पत्रकार संघ, कास्की
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग