लमजुङको सदरमुकाम बेसीशहरमा रहेको यूनिभर्सल बोर्डिङ स्कुलका दुई जना विद्यार्थीले ४ जिपिए प्राप्त गरेका छन् ।

स्कूलबाट सहभागी भएका ६३ जना विद्यार्थी मध्ये दुई जनाले उत्कृष्ट नतिजा ल्याउन सफल भएको विद्यालयका प्रिन्सिपल बिमल अधिकारीले बताए ।

बेसीशहर नगरपालिका वडा नं. ७ का आयुष केसी र वडा नं. ८ का आयुष्मा गुरुङले ४ जिपिए सहित उत्कृष्ट नतिजा ल्याउन सफल भएका हुन् । ३.६ देखि ४ जिपिए प्राप्त गर्ने ३० जना, ३.२ जिपिए देखि ३.६ जिपिए प्राप्त गर्ने २३ जना र २.८ जिपिए देखि ३.२ जिपिए प्राप्त गर्ने ९ जना रहेका छन् । एकजना विद्यार्थी भने अबर्गिकृतमा परेको विद्यालयले जनाएको छ ।

सार्वजनिक नतिजा अनुसार लमजुङ जिल्ला भरीमा ३ जना मात्र विद्यार्थीले ४ जिपिए प्राप्त गरेका छन् ।

मध्यनेपाल ७ स्थित कुसुमाकर माध्यामिक विद्यालयका विश्वास घिमिरेले पनि ४ जिपिए ल्याएका हुन् । जिल्लाभरका सामुदायिक विद्यालयबाट घिमिरेले मात्र ४ जिपिए ल्याउन सफल भएका हुन् ।