पाेखरा । गण्डकीमा  माओवादी संसदीय दलबाट कारबाहीमा परेका सांसद फणिन्द्र देवकोटाले दायर गरेको रिट हेर्दाहेर्दै राखिएको छ ।

माओवादीले गरेको कारबाहीको विरुद्ध सर्वोच्च पुगेका देवकोटाको आइतबार पेशी थियो । सर्वोच्च अदालतका न्यायाधीश प्रकाशमान सिंह राउतको इजलासमा पेशी तोकिएको देवकोटाको मुद्दामा आइतबार हेर्दाहेर्दैमा राखिएको छ ।

देवकोटाले असार ६ गते आफूमाथि कारबाही गरिएको निर्णय बदर गर्न माग गर्दै रिट दायर गरेका थिए । गोरखाबाट माओवादीको निर्वाचन चिह्नबाट निर्वाचित भएका देवकोटाले आफू नेपाल समाजवादीको सांसद भएको दाबी गर्दै मुख्यमन्त्री सुरेन्द्रराज पाण्डेलाई विश्वासको मत दिएका थिए ।

माओवादी संसदीय दलले आफ्नो दलले लगाएको ह्वीप उल्लंघन गरेको भन्दै निलम्बन गरेको थियो । निलम्ब्न पत्र प्रदेश सभामुख कृष्णप्रसाद धितालले संसदमा पढेर सुनाइसकेका छन् । कारबाही विरूद्ध देवकोटा सर्वोच्च पुगेका हुन् ।