File Photo
पोखरा । पोखरामा हवाई मार्गबाट आउने पर्यटकको संख्या बढ्दै गएको पोखरा विमानस्थलको तथ्यांकले देखाएको छ । बितेको आर्थिक वर्षभन्दा २०७४/७५ मा ३२ प्रतिशतले पर्यटक बढेको नागरिक उड्डयन प्राधिकरणको पोखरा कार्यालयका प्रमुख भोलाप्रसाद गुरागार्इंले जानकारी दिए ।
उनले अघिल्लो वर्षभन्दा १ लाख ४१ हजार ६ सय ७१ जना पर्यटक बढी आएको जानकारी दिए । ‘नेपाली मात्रै हैन, विदेशी पर्यटक पनि बढेका छन्’, उनले भने, ‘२०७३/७४ मा विदेशी पर्यटक १ लाख ३९ हजार ४ सय ७७ जना आएका थिए, २०७४/७५ मा १ लाख ७५ हजार २४ जना पर्यटकले विमान प्रयोग गरे ।’
उनले आर्थिक वर्ष २०७३/७४ मा ४ लाख ११ हजार ५ सय ३६ जनाले हवाईमार्ग प्रयोग गरेकोमा २०७४/७५ मा ५ लाख ५३ हजार २ सय ७ जना हवाईमार्गबाट आवतजावत गरेको बताए । पोखरामा विमानस्थलमा पछिल्लो आर्थिक वर्षको एक वर्षमा २ लाख ७० हजार २ सय ३० जना हवाईमार्गबाट पोखरा प्रवेश गरेका छन् भने २ लाख ८२ हजार ९ सय ७७ जना पोखराबाट बाहिरिएका छन् ।
विमानस्थलको आम्दानी पनि ३४ प्रतिशतले बढेको उनले बताए । अघिल्लो आर्थिक वर्षभन्दा २ करोड २३ लाख आम्दानी बढेको जानकारी उनले दिए । आर्थिक वर्ष २०७३/७४ मा ६ करोड ९४ लाख ३० हजार आम्दानी भएको थियो भने २०७४/७५ मा ९ करोड १७ लाख ३० आम्दानी गरेको बताए ।
पोखरा विमानस्थलले यात्रु सेवा शुल्क, जहाज आवतरण, ह्यांगर, घरभाडा लगायत शीर्षकबाट आम्दानी गर्छ । पोखराबाट दैनिक पोखरा काठमाडौं, पोखरा भैरहवा, पोखरा चितवन र पोखरा जोमसोम सिधा उडान हँुदै आएको छ । बुद्ध एयर, यती एयरलायन्स, सिम्रिक एयर, नेपाल एयरलायन्स, तारा एयरलायन्स लगायतले दैनिक करिब २० उडान भर्छन् ।
थपिँदै उडान
पोखरामा पर्यटकीय सिजन सुरु हुने हुनै लाग्दा एयर लाइन्सहरुले फ्लाइट संख्या बढाउने तयारी थालेका छन् । पोखरा काठमाडौं रुटमा बुद्ध एयरले भदौ दोस्रो सातापछि दैनिक १४ फ्लाइट तयारी गरेको बुद्ध एयरका पोखराका प्रमुख गौतम बरालले जानकारी दिए ।
‘अहिले दैनिक ८ फ्लाइट छ,’ उनले भने ‘पर्यटकीय सिजनमा अग्रिम ५० प्रतिशतभन्दा बढी बुकिङ आइसकेको छ, त्यसैले दैनिक १२/१४ फ्लाइटको तयारी गरिरहेका छौं ।’ उनले आइतबारदेखि पोखरामा नै राति पनि जहाज राखेर बिहान ७ बजे नै फ्लाइट गर्ने तयारी गरेको बताए ।
यती एयरलाइन्सले पनि १२/१३ फ्लाइइटको तयारी गरिरहेको नागरिक उड्डयन प्राधिकरणको पोखरा कार्यालयका प्रमुख भोलाप्रसाद गुरागार्इंले जानकारी दिए ।
सिम्रिक एयरलाइन्सका पोखरामा प्रमुख विकास बरालले पर्यटकीय सिजनका लागि ५ फ्लाइट थप पर्ने बताए । ‘अहिले २ फ्लाइट हुदै आएको छ,’ उनले भने ‘सिजनको बेला ५/ ६ फ्लाइट उठान गर्ने छौ ।’
मकालु एयरले पनि पोखराबाट चार्टर फ्लाइट गर्ने तयारी गरेको छ । श्रीएयर लाइन्स पनि पोखराबाट उडानका लागि तयारी गर्दै गरेको उनको भनाइ छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग