तस्वीरः सुदर्शन रञ्जित
पोखरा । गण्डकी प्रदेशका मुख्यमन्त्री सुरेन्द्रराज पाण्डेले आज मंगलबार मन्त्रिपरिषद् विस्तार गर्दैछन् । विश्वासको मत प्राप्त गरेपछि प्रदेशसभामा प्रदेश प्रमुखबाट नीति तथा कार्यक्रम पनि आजै प्रस्तुत हुँदैछ ।
सोमबार प्रदेश सभाबाट विश्वासको मत पाएका पाण्डेले पहिलो चरणमा दिपक मनाङेलाई मन्त्री बनाउने भएका हुन् । मुख्यमन्त्री पाण्डेले आफूलाई साथ दिएर मत दिने सबैलाई मन्त्री पद दिन लागेका हुन् ।
यसअघि खगराज अधिकारीलाई समर्थन गर्दै सरकारमा गएका दिपक मनाङेले पनि सोमबार सुरेन्द्रराज पाण्डेलाई विश्वासको मत दिएका थिए । त्यसभन्दा अघि मनाङेलाई भौतिक तथा पूर्वाधार मन्त्री बनाउने पाण्डे नै थिए ।
हरेक सरकारलाई बहुमत पुर्याउन निर्णायक रहँदा मनाङे ५ पटक मन्त्री भइसकेका छन् । अब छैटौं पटक मन्त्री बनेर आफ्नै रेकर्ड तोड्दैछन् ।
पाण्डेलाई विश्वासको मत दिन नेपाल समाजवादी पार्टीका सांसद फणिन्द्र देवकोटाले फ्लोर क्रस गरेका थिए । उनी माओवादी केन्द्रको चिह्नबाट चुनाव जितेका सांसद हुन् । उनलाई पनि सरकारमा ल्याउने पाण्डेले तयारी गरेका छन् । तर, माओवादीबाट हुने कारबाही र त्यसपछि कानुनी झमेलामा पर्ने कारण फणिन्द्रलाई अफ्ठेरो पारिरहेको छ। उनी पनि मन्त्री बन्ने पक्का छ ।
त्यसैगरी, यसअघि तटस्थ बसेको राप्रपाले पनि पाण्डेलाई विश्वासको मत दिएको छ । मुख्यमन्त्री पाण्डेले राप्रपाबाट पञ्चराम तमुलाई मन्त्री बनाउन प्रस्ताव गरेका छन् । तर राप्रपाले भने तत्काल सरकारमा जाने विषयमा निर्णय नभएको जनाएको छ । पञ्चराम एमालेप्रति लचिलो नेता भएपनि केन्द्रीय निर्णयका कारण काँग्रेस पक्षमा पुगेका छन् ।
मन्त्री पदका लागि मत दिएको भन्ने आरोपबाट बच्न दुवै जना तात्तातै मन्त्री बन्न नखोजेका हुन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग