स्याङ्जाको वालिङ् नगरपालिका -६ मिर्दीमा साहित्यकार अञ्जना पौडेलको उपन्यास `चरिमाई´ माथि विमर्श गरिएको छ । वैकल्पिक बाटो पृथक पाइला सिर्जनात्मक अभियान स्याङ्जाको आयोजनामा शुक्रबार उक्त उपन्यासको विमर्श गरिएको हो ।
साहित्यकार शम्भु अर्याल र अनन्त अर्यालले परिचर्चा कार्यक्रममा `चरिमाई´ उपन्यासको समीक्षात्मक टिप्पणी राखेका थिए । लेखक पौडेलले उपन्यासमा महिला बेचबिखन र महिला हिंसाका सन्दर्भलाई गहिरिएर चर्चा गरेको समीक्षकहरुले बताए ।
लेखक पौडेलले `चरिमाई´ उपन्यासमा नेपाली समाजका कथालाई जोड्ने प्रयास गरेको परिचर्चा कार्यक्रममा जानकारी दिइन् । उनले `हाम्रो समाजमा अझै ब्याप्त आम विषयवस्तु छन्, नुवाकोट र रसुवा बसाइँका क्रममा त्यहाँ देखेको कुरालाई नै उपन्यासको कथा बनाएकी हुँ´, भनिन् ।
यस्तै, दोस्रो चरणमा राखिएको रचना वाचन कार्यक्रममा साहित्यकार धुर्वप्रसाद शर्मा पङ्गेनी, लेखनाथ काफ्ले, शिला शाही, मञ्जुश्री अधिकारी, बोधराज न्यौपाने, सिजन अर्याल, स्मारिका अर्याल, गोपालप्रसाद न्यौपाने, विष्णु पङ्गेनी पाण्डे, नम्रता केसी, दर्शन पाठक, मिलन समीर र वसन्त खनालले कविता वाचन गरेका थिए ।
कार्यक्रममा कवि मिलन समिरले सहजीकरण गरेका थिए । अञ्जना पौडेलले लेखेको उपन्यास `चरिमाई´ इन्डिगो इन्कबाट प्रकाशित भएको छ भने पुस्तकको मूल्य ४ सय ४९ रुपियाँ रहेको छ ।
सम्बन्धित खबर
स्याङ्जा आइसीसी प्रथम पालिकास्तरीय पुरुष भलिबल कप
स्याङ्जामा ६९ औं प्रहरी दिवस मनाइयो
मंगलबार चापाकोट नगरपालिकामा शोक बिदा
स्याङ्जाका तेजनले आठ हजार मिटर अग्ला १४ हिमाल आरोहण गरे
आनन्द आश्रमद्वारा दुई प्रधानाध्यापक सम्मान
बौद्धिक अपांगता भएकी युवतीलाई जबर्जस्ती करणी गर्ने हरिनासका एकजना पक्राउ
यो पनि पढौँ
टीकाको अघिल्लो दिन जब छोराको शव आयो …
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
पोखराको हेम्जामा यात्रु चढाइरहेको बसलाई टिप्परले ठक्कर दियो
दशैंमा तनहुँ ससुराली आएका ज्वाईंको मादीले बगाएर मृत्यु