यहाँका जलविद्युत आयोजनाहरुले खोलामा कमिला हिँड्ने गरी पानी निमिट्यान्न पार्दा वातावरणमा प्रतिकूल प्रभाव पारेकाले गण्डकी प्रदेश उर्जा, जलश्रोत तथा खानेपानी मन्त्रालयले पुनः हाइड्रो सञ्चालकलाई पत्राचार गरेको छ ।
उर्जा, जलश्रोत तथा खानेपानी मन्त्री बेद बहादुर गुरुङ ‘श्याम’ ले यसअघि मन्त्री हुँदा पठाएको पत्रानुसार काम नभएकाले उक्त विषय पुनः स्मरण गराउँदै आवश्यक पानीको वहावको व्यवस्था मिलाउन आग्रह गरेका हुन् ।
जलविद्युत विकास नीति २०५८ अनुसार नदी, खोलाको न्यूनतम मासिक औसत बहावको कम्तीमा १० प्रतिशत वा वातावरणीय प्रभाव मूल्यांकन अध्ययन प्रतिवेदनबाट देखिएको आवश्यक मात्राको पानी नदी, खोलामा छोड्नुपर्ने व्यवस्था छ । तर, अधिकांश जलविद्युत आयोजनाले नियम पालना गरेका छैनन् ।
तल्लो तटीय क्षेत्रमा कमिला नै हिँड्ने गरी पानी सुकाउँदा जलचर नष्ट मात्र भएका छैनन्, यही पानीबाट सिञ्चाई हुने ठाउँमा खेत बाँझो हुने अवस्थामा पुगेका छन् । खोलामा पानी नहुँदा जंगली जनावर, चरनमा लगेका बस्तुभाउसमेत पानी खान वञ्चित भएका छन् ।
आधा दर्जन बढी जलविद्युत आयोजना सञ्चालन भएको कास्कीको मादीखोला प्रत्यक्ष मारमा परेपछि स्थानीयले गुनासो गरेका छन् । मादी गाउँपालिकाका पूर्व अध्यक्ष गुरुङ आफै भुक्तभोगी भएको र अध्यक्षको कार्यकालमा पनि यसबारे आवाज उठाएकाले अहिले सोहि मन्त्रालयको नेतृत्व लिँदा उनी यो नियम पालना गराउन तात्तिएका हुन् ।
जलविद्युत योजना स्थानीय तहसँग समन्वय नगरी सिधै माथि (संघीय सरकार)बाटै अनुमति र सम्झौता हुनेहुँदा स्थानीय तह मुकदर्शक भएर बस्न बाध्य छ । मन्त्री गुरुङले यसअघिकै कार्यकालमा आफूले पत्राचार गरेर नियमानुसार गर्नु भनेपनि जलविद्युत आयोजनाले नटेरेको बताउँछन् ।
‘यसअघि ठ्याक्कै ३ महिना अघि फागुनमा नै ताकेता गरेको थिएँ । मन्त्रालयबाट सबै आयोजनालाई परिपत्र गरेको हूँ । कार्यान्वयन गर्नेबेला सरकारबाट बाहिरिनुपरिहाल्यो, त्यसपछि उनीहरुले वास्ता गरेको पाइएन । अहिले पनि त्यही मिति स्मरण गराउँदै मन्त्रालयमार्फत् पत्र काटिएको छ । नमाने एक्सनमा उत्रनुको विकल्प छैन ।’ मन्त्री गुरुङले भने ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग