राष्ट्रिय युवा संघ स्याङ्जाले आगलागी पीडितलाई सहयोग गरेको छ । स्याङ्जाको बिरुवा गाउँपालिका -६ तल्लो बलेउमा आगलागीबाट पीडित भएकी बुकमाया नेपालीलाई नयाँ घर बनाई युवा संघले सहयोग गर्ने भएको हो ।

पाँच जनाको परिवार रहेको र नाजुक आर्थिक अवस्था भएकी बुकमाया नेपाली प्राकृतिक प्रकोपका कारण घरविहीन भएपछि दुई कोठे पक्की घर निर्माण गरि छिटै हस्तान्तरण गर्ने युवा संघ स्याङ्जाका अध्यक्ष सुशील खनाल(पिताम्बर)ले जानकारी दिए ।

दुई महिना भित्र घर निर्माण गरि हस्तान्तरण गर्ने तयारी रहेको र युवा संघमा आवद्ध युवाहरूले नै श्रमदान गर्ने युवा संघका अध्यक्ष खनालले बताए । उनले घर निर्माणका लागि करिब चार लाख ५० हजार रुपैयाँ बराबरको स्टमेट गरेको बताए ।

आगलागीबाट पीडित भएकी नेपालीलाई राष्ट्रिय युवा संघ स्याङ्जाले चामल, दाल, चिनी, नुन तेल साथै अत्यावश्यक खाद्यान्न, ओड्ने ओछ्याउने लत्ताकपडा र खाने पकाउने भाडाहरु लगायत विभिन्न सामाग्री सहयोग गरेको छ ।

आगलागीबाट गत वैशाख १२ गते राती बुकमायाको घरगोठ जलेर पुर्ण रुपमा क्षति पुगेको थियो ।