[अपडेट] आँधीखोलामा पौडी खेल्दा डुबेका गल्याङका बालकको मृत्यु

उद्दारपछि उपचारका क्रममा मृत्यु

राम बहादुर रोकाहा मङ्गलबार, २७ चैत्र २०८०

प्रतिकात्मक तस्वीर

राम बहादुर रोकाहा

२७ चैत्र २०८०

आँधीखोलामा पौडी खेल्दा स्याङ्जा गल्याङका एक बालकको मृत्यु भएको छ ।

मंगलबार बिहान गल्याङ नगरपालिका -२ गराङ्दीका १४ वर्षीय युनिक राना आफ्ना साथीहरू सहित पौडी खेल्ने क्रममा डुबेर बेपत्ता भएको प्रहरीले जनाएको छ ।

बेपत्ता भएको खबरपछि प्रहरी तत्कालै गएपनि करिब दुई घण्टाको खोजतलास पछि उद्दार गरिएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।

उनले उद्दार पश्चात् रानालाई गल्याङको सामुदायिक अस्पतालमा उपचारका लागि लगिएकोमा डाक्टरले मृत घोषणा गरेको बताए ।