शुक्रबार, ७ मंसिर २०८१
शुक्रबार, ७ मंसिर २०८१
बागलुङ । प्रेस सेन्टर नेपाल बागलुङ शाखाले स्वर्गीय पत्रकार बिक्रम परियारको घर परिवारलाई आर्थिक सहयोग गरेको छ । बस दुर्घटनामा परी ज्यान गुमाएका रुकुम पूर्वको सिस्ने गाउँपालिका वडा नम्बर ५ का पत्रकार बिक्रम परियारको घर परिवारलाई प्रेस स्न्टर बागलुङ जिल्ला शाखाले बिहीबार घरमै पुगी ३० हजार नगद रकम सहयोग गरेको हो ।
प्रेस सेन्टर नेपाल बाग्लुङका अध्यक्ष थमन थापाको नेतृत्वमा पार्टी तथा जनवर्गीय संगठनहरुको सकृय सहयोगमा संकलन गरिएको रकम स्वर्गीय पत्रकार परियारको घरमै पुगेर नगद ३० हजार रुपैयाँ हस्तानत्रण गरिएको छ । प्रेस सेन्टर नेपाल बाग्लुङका अध्यक्ष थमन थापा, सेन्टरका बाग्लुङ जिल्ला सदस्य जगिन्द्र बिक (बसन्त) लगायतको टोलीले पत्रकार परियारका आमा रश्मी नेपालीलाई सहयोग रकम हस्तान्तरण गरेका हुन् । सहयोग रकम हस्तान्तरण गर्दै प्रेस सेन्टर नेपाल बाग्लुङका अध्यक्ष थमन थापाले २ दिनमा आफुहरुले यो सानो सहयोग रकम उठाउन सफल भएको र घरपरिवारलाई थोरै भएपनि मलमपट्टी होस भनेर आफुहरुले सहयोग गरेको बताउदै पत्रकार परियार प्रति श्रद्धाञ्जली अर्पण गरेका थिए।
उक्त सहयोग रकम हस्तान्तरण कार्यक्रममा नेकपा माओवादी केन्द्र जिल्ला समन्वय समिति रुकुम पूर्वका सदस्य तथा अनेरास्ववियू क्रान्तिकारी रुकुम पूर्वका फ्याक्सन इन्चार्ज जीवन केसी, प्रेस सेन्टर नेपाल लुम्बिनी प्रदेश सदस्य बसन्त बाँठा मगर, प्रेस सेन्टर नेपाल रुकुम पूर्वका अध्यक्ष सर्जना कार्की‚ सचिव उर्मिला गौतम तथा रेडियो पूर्वी रुकुमका पत्रकारहरुको उपस्थिती रहेको थियो । सहयोग रकम हस्तान्तरण कार्यक्रमको सहजीकरण प्रेस सेन्टर नेपाल रुकुम पूर्वका अध्यक्ष सर्जना कार्कीले गरेका थिए।
नेकपा माओवादी केन्द्र जिल्ला समन्वय समिति रुकुम पूर्वका सदस्य तथा अनेरास्ववियू क्रान्तिकारी रुकुम पूर्वका फ्याक्सन इन्चार्ज जीवन केसीले दुखको यो समयमा सहयोगी हात बढाएर यहासम्म पुगेको भन्दै प्रेस सेन्टर नेपाल बागलुङ शाखालाई धन्यवाद दिए ।बिक्रमको दुस्खद निधनले घर परिवारसँगै सिङ्गो पार्टी कमिटी र जिल्लावासीलाई मर्माहत बनाएको बताउदै आगामी दिनहरूमा पनि आर्थिक तथा भौतिक सहयोग गर्न नेकपा माओवादी केन्द्र तथा पार्टीको सबै जनवर्गीय संगठन निरन्तर लाग्ने उनले बताए।
रुकुम पूर्वका २३ वर्षीय पत्रकार बिक्रम सहित नौ जनाको यही चैत्र ५ गते रुकुम पश्चिम बाट काठमाडौँ लागि छुटेको बागमती प्रदेश ०१००६ ख ३८७९ नम्बरको बस बागुलङ जिल्लाको निसीखोला गाउँपालिका वडा नम्बर ६ जाउलेपानीमा दुर्घटना हुँदा निधन भएको थियो ।
This will close in 4 seconds
सम्बन्धित खबर
ट्रायल सेन्टरमा मन्त्री केसीको छड्के निरीक्षण
बागलुङका योजना निरीक्षणमा गण्डकीका भौतिकमन्त्री
बुर्तिबाङ स्वास्थ्य केन्द्र स्तरोन्नति: बागलुङ पश्चिमका नागरिकलाई स्वास्थ्य सेवामा सहज हुँदै
बागलुङ जीप दुर्घटना [अपडेट]: मृत्यु हुनेहरुको पहिचान खुल्यो
बागलुङको जैमिनीमा जीप दुर्घटना: पाँच जनाको मृत्यु, एकको उद्धार
ढोरपाटनका मेयर देवकुमार नेपालीलाई कास्की ल्याइयो
यो पनि पढौँ
तनहुँ दुर्घटना: बस चालककाे मृत्यु, ३० घाइते [नामावलीसहित]
पोखरा हेम्जामा मध्यराती दुर्घटना हुँदा दोहोरी गायक किरण अधिकारीको मृत्यु
तनहुँको गोरेचौतारामा दुई बस ठोक्किँदा २९ जना घाइते
पोखरामा रिसोर्टको जग खन्ने क्रममा पुरिएर मजदुरको मृत्यु, चार घाइते