बारा । बाराको निजगढस्थित एक वर्कसपमा बमजस्तो देखिने शंकास्पद वस्तु विस्फोट हुँदा ३ जनाको मृत्यु भएको छ ।

मृत्यु हुनेमा वर्कसप सञ्चालक निजगढ नगरपालिका–९ का ३४ का रेशम जर्घामगर, भारत गवाही बस्ने ३५ वर्षीय राकेश जयसवाल र वीरगंज महानगर पालिका–९ बस्ने बस्ने बर्ष २० को रितु रजत रहेका छन् ।

कवाड सञ्चालक राज जैसवालले सो बमजस्तो देखिने वस्तुमा रहेको तामा निकाल्न वर्कशपमा ल्याएका र वर्कशपमा काट्ने क्रममा सो बमजस्तै देखिने वस्तु विस्फोट हुँदा सो घटना भएको हो ।

जैसवाल र उनकी श्रीमति सुशीलादेवी जैशवाललाई घटनास्थलबाट भारत भाग्ने क्रममा प्रहरीले पक्राउ गरेको बारा प्रहरीले जनाएको छ । यता अनुसन्धानमा खटिएको प्रहरीले सिसिटिभी हेर्ने र सो बिक्रीमा संलग्न रहेकाहरुको पहिचानका लागि गएराति दुई स्थानमा छापा मारी थप मानिस पक्राउ गरेको छ ।

विस्फोटन भएको वस्तुमा ईन्डियन फिल्ड गन १०५ एचई प्रोजेक्टाईल रहेको प्रहरीको भनाइ छ ।