स्याङ्जाको चापाकोटमा स्वर्गीय सन्तोष थापा स्मृति कप २०८० को भलिबल प्रतियोगितामा स्याङ्जा र बाग्लुङ उपाधिका लागि भिड्ने भएका छन् ।
शनिबार भएको सेमिफाइनलमा पहिलो र दोस्रो सेट गुमाए पनि खेलमा फर्केर स्याङ्जाले नवलपुरलाई ३-२ को सेटमा १९–२५, १९–२५, २५–१५, २५–१९ र १५–१३ अङ्कले पराजित गरेको थियो र पर्वतलाई बाग्लुङले ३-१ को सेटमा २५–२१, २५–१९, २०–२५ र २५–१६ अङ्कले पराजित गरेसङ्गै स्याङ्जा र बागलुङ फाइनलमा भिड्ने भएका हुन् ।
चापाकोट उद्योग वाणिज्य संघद्वारा आयोजित दोस्रो चापाकोट महोत्सव तथा व्यापार मेला २०८० को अवसर पारी नगर खेलकुद विकास समितिको समन्वयमा `स्वास्थ्यका लागि खेलकुद, राष्ट्रका लागि खेल्कुद´ भन्ने मुल नारासहित गण्डकी प्रदेशका पुरुष भलिबल टीमका सदस्य स्वर्गीय सन्तोष थापाको स्मृतिमा चापाकोट नगरपालिका – ९ स्थित गङ्गालाल मा.वि. खेलमैदान, सुन्तलीटारमा भलिबल प्रतियोगिता गरिएको खेल संयोजक राजन दर्लामी मगरले जानकारी दिए ।
खेल संयोजक दर्लामीका अनुसार प्रतियोगितामा प्रथम, द्वितीय र तृतीय हुने टीमलाई क्रमशः १ लाख ५० हजार, १ लाख र ५० हजार नगदसहित ट्रफी र मेडल पुरस्कार स्वरुप प्राप्त गर्नेछन् भने ६ वटा विभिन्न विधा उत्कृष्ट खेलाडी, स्पाईकर, ब्लकर, सेटर, डिफेन्सर र सर्भर समेतले जनही ३ हजार नगदसहित ट्रफी प्राप्त गर्नेछन् ।
गण्डकी प्रदेशका कुशल खेलाडी रहेका चापाकोट नगरपालिका-२ धुर्कोटका सन्तोष थापाको गत कार्तिक २७ गते मोटरसाइकल दुर्घटनामा मृत्यु भएको थियो । उनकै स्मरणमा भलिबल प्रतियोगिता आयोजना गरिएको हो ।
आइतबारसम्म हुने प्रथम सन्तोष थापा स्मृतिकपको आमन्त्रित जिल्ला स्तरीय खुला पुरुष भलिबल प्रतियोगितामा गण्डकी प्रदेशका स्याङ्जा, पर्वत, नवलपुर, तनहुँ, कास्की, बाग्लुङ र लुम्बिनी प्रदेशको पाल्पा जिल्लाको सहभागिता रहेको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग