पोखराबाट अवैध सामानसहित एक जना पक्राउ परेका छन् ।

पक्राउ पर्नेमा पोखरा महानगरपालिका–४ बाग्लुङ बसपार्क बस्ने ५६ वर्षीय सुरतबहादुर रानाभाट छन् ।

बिहीबार उनको भाडाको घरमा छापा मार्दा ५ लाख २८ हजार ७१० रुपैयाँ बराबरको सामान बरामद भएको प्रहरीले जानकारी दिएकाे छ ।

कास्कीकै माछापुच्छ्रे गाउँपालिका–३ घाचोक स्थायी ठेगाना भएका रानाभाटले बिल नभएको चुरोट, गुट्खा, जुललगायतका सामान लुकाई राखेको अवस्थामा पक्राउ गरेको जिल्ला प्रहरी कार्यालय कास्कीका प्रमुख एसपी मोहनबहादुर थापाले बताए ।

ग १ च ३७२ नम्बरको मारुती कारसमेत नियन्त्रणमा लिएको एसपी थापाले जानकारी दिए ।

ट्राफिक प्रहरीले सवारी चेकजाँचको क्रममा बिल नभएको समान फेला पारेपछि उनी बस्दै गरेको घरमा खानतलासी भएको थियो ।

खानतलासीको क्रममा ठूलो परिणाम बिल विनाको सामग्री फेला परेको हो ।

नियन्त्रणमा लिएको सामान, मारुती कारसहित रानाभाटलाई थप अनुसन्धानका लागि राजस्व अनुसन्धान कार्यालय बुटवल पठाइएको एसपी थापाले उल्लेख गरे ।