पोखराका युवा ज्योतिषी तथा वास्तुविद् अमृत पौडेल शास्त्रीलाई अवार्ड प्रदान गरिएको छ । अन्तर्राष्ट्रिय ज्योतिष वास्तु तथा तन्त्र सम्मेलनका अवसरमा उनलाई पशुपतिनाथ अवार्ड प्रदान गरिएको हो ।

दक्षिण एसियाली ज्योतिष महासंघ केन्द्रीय समिति र एष्ट्रो वास्तु एण्ड साइन्सेस हव पटना भारतको संयुक्त आयोजनामा काभ्रेको धुलिखेलमा भएको अन्तर्राष्ट्रिय ज्योतिष वास्तु तथा तन्त्र सम्मेलन २०८० का अवसरमा शास्त्री सम्मानित भएका हुन् ।

दक्षिण एशियाली ज्योतिष महासंघ गण्डकी प्रदेशको तर्फबाट प्रतिनिधित्व गरी उनी उक्त कार्यक्रममा सहभागी भएका थिए ।

बाग्लुङ नगरपालिका वडा नं. ३ रातमाटामा जन्मिएका पौडेल ७ बर्षदेखि पोखरालाई कर्मथलो बनाउँदै आएका छन् । उनले लामो समयदेखि विभिन्न रेडियो टिभीमा ज्योतिष तथा वास्तु परामर्श गर्दै आएका छन् ।

बाल्यकालदेखि गुरुकुलमा रहँदा गुरुकुलको आचरणमा रहेर संस्कृत, ज्योतिष वास्तु बिषयमा गुरुहरुको सामिप्यतामा रहेर अध्ययन अनुभव र अनुसन्धान गर्दै गुरुहरुको निर्देशनमा रहेर ज्योतिष वास्तु सेवा प्रदान गर्दै आईरहेका उनी बताउँछन् ।