शैक्षिक परामर्शदातृ संस्था एसआई यूकेले‌ भोलि सोमबार पोखरामा ‘यूके एजुकेशन फेयर २०२४’ गर्दैछ । फेयरमा सहभागिता जनाउन बेलायतका ३५ विश्वविद्यालयका प्रतिनिधिहरू पोखरा आइपुगेका छन् ।

फेयरमा विद्यार्थीलाई बेलायतको शिक्षा नीति, विश्वविद्यालयले दिने सुविधा, छात्रवृत्ति, त्यहाँको बसाई र रोजगारीका अवसरबारे विश्वविद्यालयका प्रतिनिधिले नै जानकारी दिनेछन् । फेयरमा सहभागी विद्यार्थीले तुरून्तै अफर लेटर पाउने र छात्रवृत्ति पनि प्रदान गरिने एसआई यूकेको दाबी छ ।

सोमबार पोखराको चिप्लेढुङ्गास्थित यूएफओको अगाडि नेपाल इन्भेष्टमेन्ट मेगा बैंकको माथिल्लो तलामा रहेको कार्यालयमा यूके एजुकेशन फेयर हुने‌ एसआई यूकेका निर्देशक विनय अधिकारीले बताए ।

एसआई यूकेबाट एप्लाई गर्ने विद्यार्थीले मास्टर्स पढ्न जाँदा डिपेण्डेन्ट पनि लिन पाउने सुविधासहितको अफरसहित पोखरा आएको अधिकारीको भनाई छ ।

एसआई यूकेबाट एप्लाई गर्ने विद्यार्थीलाई बेलायतमा खाने, बस्नेसहितको सुविधा पनि दिने दाबी गरिएको छ ।