पर्यटनमन्त्री सुदन किराँती विरुद्ध नेवि संघ नै सडकमा

गण्डक न्यूज मङ्गलबार, १० पौष २०८०

१० पौष २०८०

पाेखरा । संस्कृति, पर्यटन तथा नागिरक उड्डयनमन्त्री सुदन किराँती विरुद्ध सत्ता साझेदार नेपाली काँग्रेसकाे विद्यार्थी संगठन नेपाल विद्यार्थी संघ नै सडकमा उत्रेकाे छ ।

मन्त्री किराँतीले धर्मका बारेमा गैरजिम्मेवार अभिव्यक्तिको विरुद्ध मन्त्रीलाई पद मुक्त गर्नुपर्ने मागसहित नेविसंघले साेमबार नेविसंघले पृथ्वीनारायण क्याम्प गेट अगाडि नारा जुलुस गरेकाे थियाे ।

प्रहरीसँगकाे झडपमा नेपाल विद्यार्थी संघ (नेविसंघ) गण्डकीका नेता घाइते भए । आन्दोलनको क्रममा प्रहरीसँग भएको झडपमा नेविसंघ जनप्रिय क्याम्पसका नेता नेपाल मगर विद्यार्थी संघ गण्डकी प्रदेशका अध्यक्ष डेक पुन घाइते भएका हुन् ।

पुनलाइ गण्डकी मेडिकल कलेज पोखरामा उपचार गरिएको छ । निरन्तर आन्दोलन अगाडि बढाउने नेविसंघका नेताहरूले बताएका छन् ।