पोखरा । रामबजारमा जेठ ३० गते भएको हत्या प्रकरणमा पति पत्नीकै बयान बाझिएको छ । पति रामजीले छोराको हत्या गरी आफूलाई समेत चक्कुले हानेर घाइते बनाएको जाहेरवाला सुमित्राले बताएकी छन् ।
मनिपालमा उपचारपछि हाल जिल्ला प्रहरीको हिरासतमा रहेका रामजी घलेले उक्त घटनामा बाहिरका २ व्यक्ति आएर आक्रमण गरेको तर आफू दोषी नभएको बयान दिएका छन् । उक्त घटनामा रामजी र सुमित्रा दुवै सख्त घाइते भएका थिए भने ११ वर्षे छोरा ज्ञापनको मृत्यु भएको थियो । सुमित्राको गर्भमा रहेको ९ महिनाको बच्चाको समेत मृत्यु भएको छ ।
मनिपाल मेडिकल कलेजमा १५ दिनको उपचारपछि उनलाई जिल्ला प्रहरीकै हिरासतमा राखेर प्रहरीले अनुसन्धान गरिरहेको छ । प्रहरीले उनी बोल्न सक्ने अवस्था नरहेका बेला अस्पतालमै लिखित बयान लिएको थियो । उक्त बयानमा उनले आफ्नै जेठानको छोरासहित अर्को १ व्यक्तिले मास्क लगाए राति आएर आफूहरुमाथि आक्रमण गरेको बताएका छन् । सरकारी वकिलसँगको बयानमा समेत उनले त्यही बयान दोर्होयाएका छन् ।
सामान्य आम्दानी भएको आफूसँग जेठानका छोरा बेलबहादुर खाँणले पटक पटक मोटो रकम माग्दै आएको तर आफूले दिन नसक्ने बताएपछि उसले मार्ने धम्की पटकपटक दिएको रामजीको जिकीर छ । घटनाको दिन अबेरसम्म सुमित्रा, छोरा ज्ञापन र आफू भएर गफ गर्दै गरेको बेला बेलबहादुर र अर्को १ जना मास्क लगाएर कोठामा प्रवेश गरी आफूमाथि आक्रमण गरेको रामजीको भनाइ छ । पछाडिबाट समाएर घाँटीमा चक्कु राख्दा एक पटक फुत्कन सफल भएको र त्यतिबैलै सुमित्रालाई चोट लागेको उनले बताएका छन् ।
रामजी फुत्किएपछि १ जना घरको अर्कै कोठामा पसेर बत्ती बाल्ने र निभाउने र अर्के बाहिर चर्पीमा पसेका थिए । उक्त सयमा आफूले पुलिसको १०० नम्बरमा फोन गरेको समेत बयानमा बताएका छन् । प्रहरीलाई पूरै कुरा भन्न नपाउँदै पुन आफूमाथि आक्रमण भएको उनको जिकीर छ ।
रामजीका अनुसार त्यति नै बेला छोरा ज्ञापनले ‘दादा ड्याडीलाई के गर्नुभएको छाडिदिनुस भनेका थिए । त्यसपछि अत्यधिक रक्तश्रावले आफू बेहोस भएको र त्यसपछिको घटनाबारे केही थाहा नपाएको रामजीको बयान छ ।
घटनामा प्रयोग भएको चक्कु आफ्नो घरको नभएको रामजीले बताएका छन् भने सुमित्राले भने तरकारी काट्न प्रयोग भएको आफ्नै घरको चक्कुले रामजीले आफूमाथि प्रहार गरेको आरोप लगाएकी छन् ।
रामजीले किटानी जाहेरी दर्ता गर्न खोजे पनि जिल्ला प्रहरीले नलिएको उनका दाजु नारायणबहादुर घलेले बताए । छोरा ज्ञापन बाँचेको भए सबै घटना उसलाई थाहा भएको नारायणका जिकीर छ । ‘बेलबहादुरले घटनापछि हाम्रो घरमा आएर सबै रगत पुछेको थियो,‘नारायणले भने,‘हाम्रो घरमा आएर उसले रगत पुछ्न आवस्यक थिएन ।’ रामजीका काकाका छोरा गोकुल घलेले घटनामा परिवारभन्दा बाहिरका व्यक्तिको हात रहेको बताए ।
जिल्ला प्रहरी कार्यालय कास्कीका प्रहरी प्रमुख एसपी ओमबहादुर रानाले सुमित्राले दिएको जाहेरीबाट नै सबै अनुसन्धान हुने भएकाले रामजीको जाहेरी दर्ता गर्न आवस्यक नरहेको बताए । अनुसन्धानकै क्रममा रहेकाले यो बारेमा आफूले धेरै बोल्न नमिल्ले एसपी रानाको भनाइ थियो । घटनास्थालबाट लिएको रगतको नमुना परीक्षणबारे भने प्रहरीले केही बताएको छैन ।
https://www.youtube.com/watch?v=EpA76LraZUo
मकवानपुर घर भई पोखरामा पेन्टर काम गर्ने ३९ वर्षे रामजी घलेले गर्भवती पत्नी र छोरामाथि चक्कुले आक्रमण भएको थियो । घटनापछि रामजीकी पत्नी सुमित्राको गर्भबाट शल्यक्रिया गरी मृत बच्चा निकालिएको बच्चाको मृत्यु भएको थियो । प्रहरीले ११ वर्षे ज्ञापनलाई घटनास्थलमै मृतवस्थामा भेटेको थियो ।
सुमित्राकी आमा पनि उनीहरुसँगै बस्थिन् । अलगै कोठामा सुतेकी सुमित्राकी आमा भने सकुशल छन् । उनले रामजीले नातिको हत्या गरेको र छोरीमाथि आक्रमण गरेको प्रहरीसँग बताएकी छन् ।
समाधान दैनिकका लागि पत्रकार सुरेशराज अधिकारीले लेखेका हुन् ।
http://gandaknews.com/family-murder/
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग