किरण श्रेष्ठ, तनहुँ । चलचित्र ‘चि मुसी ची’को प्रचारका क्रममा यसको निर्माण यूनिटले तनहुँको दमौलीमा भव्य कन्सर्ट गरेको छ । बुधबार साँझ दमौली बजारमा आयोजना गरिएको कन्सर्टमा दर्शकको बाक्लो उपस्थिती रहेको थियो ।
पूर्वी नेपालका विभिन्न शहरमा कन्सर्ट गरेपछि चलचित्रको टोली दमौली आइपुगेको हो । कन्सर्टमा चलचित्रकी मुख्य नायिका अलिशा शर्माले माहोल तताएकी थिइन । चलचित्रमा समावेश ४ गीतमा यसका मुख्य कलाकार अलिशा शर्मा, सुनिल क्षेत्री, सुशान्त कार्कीले नृत्य प्रस्तुत गरेका थिए । त्यस्तै कार्यक्रममा नेपाल आइडलकी टप ५ प्रतियोगि तथा चलचित्रको शिर्ष गितकी गायिका सुजाता पाण्डेले समेत धमाकेदार प्रस्तुति प्रस्तुत गरेकी थिइन । कार्यक्रम व्यवस्थापन लियो क्लब अफ तनहुँ र तनहुँ उद्योग वाणिज्य संघ दमौली बजार इकाईका सभापति राजकुमार श्रेष्ठ ‘राकु’ले गरेका थिए ।
प्रचारको लागि कलाकार लिएर निर्माण युनिट सांगीतिक टुर सहितको देश दौडाहामा निस्किनु कुनै नौलो होइन । त्यसरी देश दौडाहामा निस्किएका मध्य कमै युनिटले धमाकेदार सांगीतिक टुर गर्ने गरेका छन् । मोफसलको टुरमा निस्किएको चलचित्र ‘चि मुसी चि’ युनिटले भने देशको विभिन्न स्थानमा राम्रो कन्सर्ट गरिसकेको छ । पूर्वी नेपालको विर्तामोडबाट सुरु भएको कन्सर्ट बुधबार दमौलीमा समेत आयोजना गरिएको हो । कन्सर्टमा हजारौँ दर्शकको उपस्थिती रहेको थियो ।
‘डान्स इन्डिया डान्स सिजन ४’बाट चर्चा कमाएका सुनिल क्षेत्री र एमटिभी स्पिटभिल्लामा सहभागी अलिशा शर्माको समेत सहभागीता रहेको कन्सर्टमा दर्शकले नृत्यको भरपुर मज्जा लिएका छन् । नायिका शर्माले आफ्नो हट नृत्यबाट दमौली तताएकी हुन् । बुधबार साँझ दमौली बजारमा आयोजना गरिएको एक भव्य कन्सर्टमा मुख्य आकर्षणको केन्द्र नै उनी बन्न पुगिन् । साँझ पर्दै गर्दा बढ्दै गरेको रातमा उनको नृत्य देखेर दर्शक रमाएका थिए । कार्यक्रममा सहभागी दर्शकले चलचित्र प्रचारमा युनिटले अहिले सम्मकै धेरै मनोरञ्ज दिएको प्रतिक्रिया दिए । विर्तामोड, धरान, हरिवन, हेटौँडा, नारायणगढ, बुटवल, भैरहवा, पोखरामा कार्यक्रम गरिसकेको निर्माता शिवराज कार्कीले बताए ।
करिब १ करोडको लगानीमा बनेको चलचित्र सबै वर्गले हेर्न मिल्ने बनाइएको दमौलीमा बुधबार आयोजित पत्रकार सम्मेलनमा निर्माता शिवराज कार्कीले बताए । ११ श्रावणबाट देशैभर रिलीजमा आउने ‘चि मुसी चि’ अरुण कुमार गुरुङ, महेश्वर खत्री, सुबास भुर्तेल, डब बहादुर गुरुङ निर्मातारहेका छन् । शिवराज कार्की कार्यकारी निर्माता रहेको चलचित्रका अनिल पाण्डे र प्रिन्स युवराज कार्की प्रस्तुतकर्ता हुन् । चलचित्रमा सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवा, शसांक बस्याल लगायतका कलाकारहरुको अभिनय देख्न सकिन्छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग