पोखराको चिप्लेढुंगास्थित द्वा कम्प्लेक्समा रहेकाे थर्ड आई एजुकेशनको आयोजनामा ‘एडमिसन एण्ड एसेसमेन्ट डे’ इभेन्ट आयोजना हुने भएको छ । साउन २३ (अगस्ट ८) मंगलबार थर्ड आईको कार्यालयमै इभेन्ट हुने अध्यक्ष ओम प्रकाश गैरेले जानकारी दिए ।

उच्च शिक्षा अध्ययनका लागि क्यानडा र अष्ट्रेलिया जान चाहने विद्यार्थीलाई लक्षित गरी कार्यक्रम हुन लागेको हो । कार्यक्रममा २० भन्दा बढी कलेज तथा युनिभर्सिटीका प्रतिनिधि सहभागी हुने गैरेले जनाए ।

स्कलरसिपको जानकारी, आकर्षक गिफ्ट ह्याम्पर, डाइरेक्ट एसेसमेन्ट, युनिभर्सिटी डिस्काउन बारे जानकारी कार्यक्रमको आकर्षण रहेका छन् । ‘प्रतिष्ठित कलेज तथा युनिभर्सिटीका प्रतिनिधिसँग प्रत्यक्ष रुपमा विद्यार्थीले भेटेर संवादको अवसर कार्यक्रममा मिल्नेछ,’ ले भने ।

कार्यक्रममा बिहान १० बजेदेखि साँझ ५ बजेसम्म हुनेछ । गैरेका अनुसार पोखरा तथा आसपासका क्षेत्रका विद्यार्थीहरु कार्यक्रमबाट लाभान्वित हुनेछन्। क्यानडा र अष्ट्रेलिया जान चाहने विद्यार्थीहरु कार्यक्रममा सहभागी भएर लाभ लिन उनले आग्रह पनि गरेका छन् ।