फिफा विश्वकप २०१८ फुटबल प्रतियोगिताको फाइनलमा स्थान बनाएसँगै क्रोएसियाले पाँच वटा रेकर्ड बनाएको छ। क्रोएसियाले बुधबार भएको दोस्रो सेमिफाइनलमा इंग्ल्यान्डलाई २-१ गोलले पराजित गर्दै पहिलोपटक विश्वकपको फाइनलमा स्थान बनाएको हो।
क्रोएसिया विश्वकपको फाइनलमा पुग्ने १३औं देश बन्यो। युरोपबाट फाइनलमा पुग्ने क्रोएसिया १०औं टिम हो। फाइनलमा पुगेका ८ टिमले मात्र उपाधि जितेका छन्। आइतबार फ्रान्सलाई हराउन सके क्रोएसिया विश्वकप जित्ने नवौं टिम मात्र होइन नयाँ च्याम्पियन समेत बन्नेछ।
विश्वकपको फाइनलमा पुग्ने क्रोएसिया जनसंख्याको आधारमा दोस्रो सानो देश हो। यसअघि उरुग्वेले १९ लाख जनसंख्या हुँदा फाइनलमा स्थान पक्का गरेको थियो। हाल क्रोएसियाको जनसंख्या ४२ लाख छ।
क्रोएसिया विश्वकपको फाइनलमा पुग्ने अहिलेसम्मकै कम वरीयताको टिम हो। क्रोएसिया हाल फिफा वरीयतामा २०औं स्थानमा छ। यो रेकर्ड सन् १९९२ मा वरीयता सुरु भएपछिको हो।
क्रोएसिया नकआउट चरणमा तीन खेलमा पछाडि परेर पनि पुनरागमन गर्ने पहिलो टिम हो। क्रोएसियाले अन्तिम १६ मा डेनमार्क, अन्तिम ८ मा रसिया र सेमिफाइनलमा इंग्ल्यान्डविरुद्ध पछि परेपनि जित हात पार्यो। क्रोएसियाले सुरुवाती २ खेलमा पेनाल्टी सुटआउटमा जित्दा सेमिफाइनलन थप समयमा जित हात पार्यो।
क्रोएसिया एउटै विश्वकपमा तीन पटक थप समयको खेल खेल्ने तेस्रो टिम बन्यो। यसअघि सन् १९९० र २०१४ मा अर्जेन्टिना तथा सन् १९८६ मा बेल्जियमले तीन खेल थप समयसम्म खेलेका थिए।
This will close in 3 seconds
सम्बन्धित खबर
लामाचौर कप भलिबलमा पुरूषतर्फ पुलिस च्याम्पियन, सञ्जु सर्वोत्कृष्ट
लामाचौर कप भलिबलः महिला तर्फको उपाधि एपिएफलाई, न्यू डायमण्ड पराजित
लामाचौर कप भलिबलः डिफेन्डिङ च्याम्पियन गण्डकी सबैभन्दा कमजोर, गल्कोट तेस्रो
लामाचौर भलिबलः महिलातर्फ एभरेष्ट बुटवल तेस्रो, गण्डकी प्रदेश पराजित
प्रथम अन्तर क्लब ह्याण्डबलको उपाधि मनकामनालाई
सशस्त्रको एपीएफ महिला र पुरूष दुवैतर्फ फाइनलमा, न्यू डायमण्ड र पुलिससँग उपाधि प्रतिष्पर्धा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग