सञ्चार सचिव कृष्णबहादुर राउत पक्राउ

गण्डक न्यूज सोमबार, २५ असार २०८०

२५ असार २०८०

बालुवाटारस्थित ललिता निवासको १४३ रोपनी सरकारी जग्गा हिनमिना प्रकरणमा प्रहरीले सञ्चार तथा सूचना प्रविधि मन्त्रालयका सचिव कृष्णबहादुर राउतलाई पक्राउ गरेको छ ।

केन्द्रीय अनुसन्धान ब्यूरो (सीआईबी)ले आइतबार राउतलाई पक्राउ गरेको हो । ‘पक्राउ गरेर अनुसन्धान थालेका सुरु गरिएको र सोमबार अदालत पेश गरेर थप अनुसन्धानका लागि म्याद लिने ब्यूरोले जनाएको छ ।

सहसचिव हुँदा राउत २०७१ सालमा कास्कीको सिडिओ थिए । राउत शाखा अधिकृत छँदा गरेको कसूरको आधारमा अहिले पक्राउ परेका हुन् । ०६६ सालमा राउतको शाखामा उपसचिव थिएनन् । त्यसैले अधिकृतकै हिसाबमा उनले प्रस्तावका लागि टिप्पणी उठाएका थिए ।

यो प्रकरणमा किर्ते र संगठित अपराधको कसूरमा अनुसन्धान थालेको सीआईबीले थप ४०६ जना विरुद्ध पक्राउ पुर्जी जारी लिएको छ ।