पोखरामा हात र घाँटीमा ट्याटु भएको एक पुरुषको शवको पहिचान हुन सकेको छैन । बेवारिसे अवस्थामा फेला परेका पुरुषको शवको परिचान हुन नसकेको जिल्ला प्रहरी कार्यालय कास्कीले जनाएको छ । मृतको घाँटीमा केलीन लेखिएको सानो अक्षरको ट्याटु र हातमा स्टार ट्याटु रहेको छ ।
पोखरा महानगरपालिका – ५ मालेपाटन स्थित कालिका पेट्रोल पम्प नजिक नाम/थर नखुलेको पुरुषलाई प्रहरीले घाइते अवस्थामा उद्धार गरी अस्पताल पुर्याएको थियो ।
शरीर ददारिएको अवस्थामा शनिबार बिहान साढे ५ बजे भेटिएका ती पुरुषलाई उपचारका लागि पश्चिमाञ्चल क्षेत्रीय अस्पताल लगिएकोमा उपचारका क्रममा बिहान साढे ८ बजे मृत्यु भएको प्रहरीले बताएकाे छ । मृतकको पहिचान नखुलेपछि प्रहरीले हुलियाको जानकारी दिँदै सूचना जारी गरेको छ ।
प्रहरीका अनुसार मृतकको उमेर अन्दाजी ३५ रहेको छ भने उचाई करिब ५ फिट ४ इन्च रहेको छ । मङ्गोलियन वर्ष जस्तो देखिने पुरुषले खरानी रङको हाफ पेन्ट र खैरो रङको कोठे स्वेटरभित्र कालो टिसर्ट लगाएका छन् । मृतकको घाँटीमा Kellin लेखिएको ट्याटु, देब्रे नाडीको हत्केला पछाडि ताराको ट्याटु र दुवै पाखुरादेखि नाडीसम्मै विभिन्न ट्याटु पनि खोपिएको प्रहरीले जनाएको छ ।
घटनाबारे थप अनुसन्धान भइरहेको पनि प्रहरीले जनाएको छ । आज बिहान करिब ५:३० बजे मृतक फेला परेको प्रहरीको भनाई छ ।
This will close in 4 seconds
सम्बन्धित खबर
कुमारी ब्युटीको उद्घाटनमा रीमाले भनिन्, ‘आफूले प्रयोग गर्ने प्रडक्टबारे चेतना जरुरी छ’
माछापुच्छ्रे –९, सिधिङमा साविक वडा स्तरीय खुल्ला पुरुष भलिबल प्रतियोगिता हुने
पोखरामा आजदेखि दाइँ महोत्सव
कास्कीको मादीमा नागीधार महोत्सव सुरु
फोनिज कास्कीको अध्यक्षमा बिनु थापा मगर
पोखरामा पुराना सवारीसाधनले लाइसेन्स ट्रायल दिनुपर्दा धेरै असफल भएपछि नयाँ व्यवस्था
यो पनि पढौँ
स्याङ्जाका निरजलाई आठौं पटक ठेलोको उपाधि
देवघाटमा माघे सङ्क्रान्ति मेला सुरु
पर्वतको कुश्मामा कपास उद्योगमा आगलागी
पोखराको ढुंगेसाँघु मेला निरन्तर