पोखरा । भारतमा एकै परिवारका तीन जना नेपाली मृत अवस्थामा फेला परेका छन्।

मृत्यु हुनेमा कैलाली चौमालाका ३८ वर्षीय चन्द्र, उनकी श्रमिती ३४ वर्षीया राधा र छोरी अञ्जली रहेका छन्।

चिसोबाट बच्न हिजो राति कोइला बालेर सुतेका उनीहरुको धुवाँले निसास्सिएर मृत्यु भएको भारतीय सञ्चार माध्यमले जनाएका छन्।

चन्द्र मेरठको टिपी नगरका उद्यमी आलोक बंसलको घरमा घरेलु श्रमिकको रुपमा काम गर्दै आएका थिए। उनीहरु उक्त घरको तेस्रो तलामा बस्दै आएका थिए।

हिजो नयाँ वर्षको दिन दिउँसोसम्म पनि कोही कोठाबाट बाहिर नआएपछि घरबेटी त्यहाँ पुग्दा ढोका बन्द अवस्थामा थियो । ढोका फुटाएर हेर्दा चन्द्र र राधाको ज्यान गएको र अञ्जली बेहोस अवस्थामा भेटिएका थिए । उपचारको लागि स्थानीय अस्पतालमा पु¥याउँदासम्म अञ्जलीको पनि ज्यान गएको समाचारमा उल्लेख छ।

मृतकको शवलाई पोष्टमार्टमको लागि पठाइएको र घटनाबारे मृतकको परिवारलाई खबर गरिसकेको जनाइएको छ।