पोखरा । पोखरा उपत्यका नगर विकास समितिका पूर्व अध्यक्ष विष्णुप्रसाद बास्तोलाको निधन भएको छ ।

नेपाली कांग्रेस कास्कीका पूर्व उपसभापति एवं पोखरा महानगर वडा नं. ९ का पूर्व अध्यक्षसमेत रहेका बास्तोलाको बुधबार बिहान ४ः१५ बजे निधन भएको हो ।

उनको आजै अन्त्येष्टि गरिएकाे छ । उनको शवलाई नयाँ बजार स्थित निवासबाट बिहान १० बजेपछि शव यात्रा गरी तुलसीघाट लगिएकाे थियाे ।बास्तोला विगत ९ वर्षदेखि विभिन्न रोगबाट ग्रसित थिए । केहि समय अघिदेखि दुबै मिर्गौला खराब भएर डायलोसिस गराउँदै आएका बास्तोलाको आज विहान स्वास्थ्य अवस्था बिग्रिएर निवासमै निधन भएको परिवारले जनाएकाे छ ।

यसैबीच, पूर्व अध्यक्षकाे निधनमा शाेक मनाउँदै पाेखरा वडा नं. ९ कार्यालयकाे कामकारबाही बन्द गरिएकाे वडाध्यक्ष दीपेन्द्र मर्सानीले जानकारी दिए ।

बास्तोला महेन्द्र मावि विद्यालय व्यवस्थापन समितिको पनि पूर्व अध्यक्ष हुन् ।