पोखरा । हल्ट प्राइज पृथ्वीनारायण क्याम्पसको आयोजनामा खुल्ला रक्तदान कार्यक्रम सफलता पूर्वक सम्पन्न भएको छ।

रक्तदान कार्यक्रममा ८० पाउण्ड रगत संकलन गरिएको हल्ट प्राइज पृथ्वीनारायण क्याम्पसका डाएरेक्टर श्री प्रचण्ड शक्ती गुरुङले जनाकारी दिए।

‘रक्तदान जीवनदान, जीवनदान महादान’ मूल नाराका साथ पुष ३ गते भएको उक्त कार्यक्रममा पोखरा विश्वविद्यालय वायोमेडिकल विद्यार्थी संगठनले निःशुल्क रगतको ग्रुप परिक्षण प्रदान गरेको थियो भने यस खुल्ला रक्तदान कार्यक्रम सफल पार्न पृथ्वीनारायण क्याम्पस बि.बि.ए स्पिएर र नेपाल युवा रेडक्रस सर्कल–हेम्जाको सहभागिता रहेको थियो।

डाएरेक्टर गुरुङका अनुसार यस कार्यक्रमका लागी ३ दिनसम्म हेल्प डेस्क संचालन गरी इच्छुक रक्तदाताहरुको नाम संकलन गरिएको थियो।

उक्त कार्यक्रम ओबेल रेष्टुरेन्ट एण्ड सुकुटि हाउस, म्याग्दी खाजा घर र पोखरा म.न.पा. वडा १ का वडासदस्य श्री राम्जी प्रसाद पौडेलको सहयोगमा सम्पन्न भएको हो।