पाेखरा । लामो समयदेखि पोखरामा क्रियाशील पत्रकार यदुनाथ बञ्जारा सुशासन पत्रकारिता पुरस्कार २०७८ बाट सम्मानित भएका छन् ।

शुक्रबार आयाेजित कार्यक्रममा अख्तियार दुरुपयोग अनुसन्धान आयोगको पोखरा कार्यालयका प्रमुख पार्वती शर्मा, सुनास कास्कीका अध्यक्ष रवीन्द्रनाथ बास्तोलाले संयुक्त रुपमा नगद, दोसल्ला र सम्मान पत्रसहित पुरस्कार प्रदान गरेका थिए।

सुनास कास्कीका पूर्व अध्यक्ष चन्द्रकृष्ण कर्माचार्यको संयोजकत्वमा पत्रकार महासंघ कास्कीका अध्यक्ष विमला भण्डारी र पत्रकार श्याम कुँवर सदस्य रहेको छनोट समितिले बञ्जारालाई पुरस्कृत गर्ने निर्णय गरेकाे हाे ।

सराङकोट साप्ताहिक पत्रिकाका सम्पादक बञ्जारा पत्रकार महासंघ गण्डकीका सचिव एवं सूचनाको हकका लागि जिल्ला सञ्जाल कास्कीका अध्यक्ष छन् । पत्रकार बन्जाराले देशान्तर साप्ताहिकबाट पत्रकारिता शुरुवात गरेका थिए ।

स्व. ई.लेख बहादुर गुरुङले स्थापना गरेकाे अक्षयकोषबाट सुशासनका लागि नागरिक समाज (सुनास) कास्कीले याे पुरस्कार सञ्चालन गर्दै आएकाे छ । हरेक वर्ष ९ डिसेम्बर का दिन याे पुरस्कार प्रदान गरिँदै आएकाे छ ।