पोखरा । नवौं राष्ट्रिय खेलकुद अन्तर्गत आज शुक्रबार भएको फेन्सिङको पुरुष टिम ईपीमा आर्मीले स्वर्ण पदक जितेको छ।

पोखरा रंगशालास्थित व्याडमिन्टन कोर्टमा भएको फाइनल प्रतिस्पर्धामा एपीएफलाई ४५–२८ अंकले पछि पार्दै आर्मीले स्वर्ण जितेको हो।

आर्मीका लागि यो फेन्सिङमा ५ औ स्वर्ण पदक हो।

एपिएफले रजत पदक जित्दा गण्डकी प्रदेश र बागमती प्रदेशले कास्य पदकमा चित्त बुझाए।

फेन्सिङतर्फ ६ खेल व्यक्तिगत र ६ खेल टिम इभेन्टका भएका थिए।

फेन्सिङको अङ्क तालिकाअनुसार आर्मी च्याम्पियन बनेको छ। आर्मीले पाँच स्वर्ण, पाँच रजत र सात कास्यसहित १७ पदक प्राप्त गरेको छ।

वाग्मती चार स्वर्ण, तीन रजत, एक कास्यसहित ८ पदक प्राप्त गरेर दोस्रो स्थानमा रहेको छ। सशस्त्र प्रहरी दुई स्वर्ण, चार रजत र सात कास्यसहित १३ पदका साथ तेस्रो स्थानमा छ भने सुदूरपश्चिम प्रदेश १ स्वर्ण २ कास्यसहित ३ पदक जितेको छ।

त्यसैगरी गण्डकी प्रदेश चार कास्य पदक जित्दै पाँचौँ स्थानमा छ भने प्रदेश–१ ले तीन कास्य पदक प्राप्त गरेको छ।