काठमाडौँ । नेपाली कांग्रेसको शेयर कोइराला पक्षले पार्टी कार्यालमै धर्ना सुरु गरेको छ।

चुनावको टिकट वितरणमा चरम गुटबन्दी गरेको भन्दै कोइराला पक्षका नेता, कार्यकर्ताले आज बुधबार केन्द्रीय कार्यालय सानेपामा धर्ना सुरु गरेका हुन्।

उनीहरूले समान अवसर र न्यायको निम्ति धर्ना कार्यक्रम लेखिएको ब्यानर पनि टाँगेका छन्। आउँदो मङ्सिर ४ गते हुने चुनावमा समानुपातिकतर्फको बन्दसूचीमा सभापति तथा प्रधानमन्त्री शेरबहादुर देउवाले आफ्नो गुट र आफन्तको मात्रै नाम समावेश गरेको तथा प्रत्यक्षतर्फको टिकटमा पनि भेदभाव गरिरहेको भन्दै कोइराला पक्षले धर्ना दिएको हो।

धर्नामा शेखर कोइराला, गगन थापा, धनराज गुरुङलगायतका शीर्ष नेताहरू भने उपस्थित छैनन्। शीर्ष नेता नआए पनि उनीहरूको समर्थन रहेको बताइएको छ।

कोइराला समूहले १४ असोजसम्म समानुपातिक बन्दसूची सच्याउन अल्टिमेटम दिएको छ।

कांग्रेसले निर्वाचन आयोगमा बुझाएको सूचीमा कोइराला समूहका १३ जना मात्रै परेपछि सो पक्षका नेता कार्यकर्ता आन्दोलित भएका हुन्।