काठमाडौं । रूससँगको युद्धमा हालसम्म आफ्ना ९ हजार सेनाको मृत्यु भएको युक्रेनले जनाएको छ।
झन्डै ७ महिनादेखि चलिरहेको युद्धमा ९ हजार सेनाको ज्यान गएको युक्रेनी सेनाका कमाण्डर इन चीफ जनरल भ्यालेरी जालुज्नीले घोषणा गरेका हुन्।
उनले युद्धका कारण बालबालिकाको हेरचाहमा विशेष ध्यान दिनुपर्ने अवस्था आएको समेत बताएका छन्।
रुसले भने युद्धको पहिलो महिना १३ सय ५१ रुसी सेनाको मृत्यु भएको बताएको छ। रुसले थप विवरण सार्वजनिक भने गरेको छैन। अमेरिकी सैन्य अधिकारीहरुले भने रुसी सेनातर्फ ७० देखि ८० हजार सैनिकमा क्षति पुगेको दावी गरेको छ। यो तथ्यांकमा युद्धमा मृत्यु भएका र अंगभंग भएका रुसी सैनिकहरुलाई समावेश गरिएको छ।
यस्तै, संयुक्त राष्ट्रसंघले युक्रेनमा रुसी आक्रमणका क्रममा ५५ सय बढी सर्वसाधारण नागरिकको मृत्यु भएको जनाएको छ । साथै ७८ सय बढी नागरिक घाइते भएको राष्ट्रसंघले अनुमान गरेको छ । संयुक्त राष्ट्रसंघीय बाल कोष युनिसेफले ९ सय ७२ युक्रेनी बालबालिका युद्धको शिकार भएको पुष्टि गरेको छ ।
यसैबिच, युक्रेनले भोलि आफ्नो ३१औँ स्वतन्त्रता दिवस समेत मनाउँदैछ । दिवसका अवसरमा ठूला आक्रमणका घटना हुनसक्ने आशङ्कामा पर्सि बिहीबार बिहानसम्म सामूहिक कार्यक्रम गर्न रोक लगाइएको छ। देशको दोस्रो ठूलो सहर खार्किभमा आज बेलुकादेखि कर्फ्युको घोषणा गरिएको अन्तराष्ट्रिय सञ्चार माध्यमहरुले जनाएका छन्।
सम्बन्धित खबर
मध्यप्रदेशकी निकिता पोरवाल बनिन् ‘मिस इन्डिया २०२४’
विश्व चर्चित ब्याण्ड ‘वन डाइरेक्शन’ का गायक लियाम पेनेको होटलको तेस्रो तलाबाट खसेर मृत्यु
विश्व प्रसिद्ध भारतीय उद्योगपति रतन टाटाको निधन
मेक्सिकोका सैनिकले गोली हान्दा नेपालीसहित ६ जना आप्रवासीको मृत्यु
अमेरिकी डीभी चिठ्ठाको आवेदन आज रातिदेखि खुल्दै, कसरी भर्ने ?
अमेरिकामा प्रधानमन्त्री ओलीलाई ८ वटा माग सहित पानस अमेरिकाद्वारा ज्ञापन पत्र
यो पनि पढौँ
टीकाको अघिल्लो दिन जब छोराको शव आयो …
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
पोखराको हेम्जामा यात्रु चढाइरहेको बसलाई टिप्परले ठक्कर दियो
दशैंमा तनहुँ ससुराली आएका ज्वाईंको मादीले बगाएर मृत्यु