पोखरा। अविरल वर्षापछि घर माथिबाट आएको पहिरोका कारण कोठा भत्किएर पुरिँदा पोखरामा एक युवकको मृत्यु भएको छ।
पोखरा महानगरपालिका वडा नं -६ डिहिकोपाटन पँधेरोस्थित राति अन्दाजी १२:५५ बजेको समयमा लक्ष्मी खड्का क्षेत्रीको ब्लकले बनेको कच्ची घरको कोठा भत्किएर पुरिँदा कास्की माछापुच्छ्रे गाउँपालिका -१ भुर्जुङखोला तातोपानी घर भई उक्त घरमा डेरा गरी बस्दै आएका अन्दाजी २६ वर्षीय सन्तोष सुनारको मृत्यु भएको कास्कीका प्रहरी नायव उपरीक्षक तथा प्रहरी प्रवक्ता (डिएसपी) सुन्दर तिवारीले गण्डक न्युजलाई जानकारी दिए।
तिवारीका अनुसार घटनाको जानकारी लगत्तै जिल्ला प्रहरी कार्यालयबाट डिएसपी तिवारीको कमान्डमा २५ जना र सशस्त्र प्रहरी बल कालिका गणबाट स.प्र.नि.उमेश ढकालको कमान्डमा खटिएको १५ जनाको टोलीले सुनारलाई राति १:५५ बजे उद्धार गरी पश्चिम क्षेत्रीय अस्पताल पठाएकोमा उनको उपचारका क्रममा राति २:२० बजे मृत्यु भएको हो।
घटनामा मृतकका दिदी २७ वर्षीय सुनिता सुनार घाइते भएकी छन्। उनको अहिले गण्डकी मेडिकल कलेजमा उपचार भइरहेको र स्वास्थ्य अवस्था मध्यम रहेको छ भने सुनिताकी १० वर्षीय छोरी सिम्रन सुनारको सकुशल उद्धार गरिएको प्रवक्ता तिवारीले जानकारी दिए।
पोखरा आसपास लगायतका क्षेत्रमा आइतबार साँझदेखि निरन्तर ठुलो वर्षा भइरहेको छ।
(भिडियो सौजन्य : जिल्ला प्रहरी कार्यालय कास्की)
सम्बन्धित खबर
पूर्व गृहमन्त्री रवि लामिछानेका विषयमा भ्रम छरियोः कास्की प्रहरी
एभरेस्ट एफएमको आकस्मिक रक्तदानमा २ सय ५१ युनिट संकलन
चरक मेमोरियलका एमडी पोखरेलको नेतृत्वमा अफिन गण्डकी
पोखराका पत्रकार केशव शरण प्रेस काउन्सिल सदस्य नियुक्त
गण्डकी प्रदेशबासीको स्वास्थ्यलाई स्वस्थ राख्ने बाटो तय: स्वास्थ्यमन्त्री पाठक
थालमा ढुंगा राखेर सहकारीपीडितको प्रदर्शन
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड