पोखरा महानगरपालिका वडा नं. १७ बिरौटामा सञ्चालन हुन लागेको ऐतिहासिक श्री गण्डकी शत कुण्डीय गायत्री कोटिहोम विराट ज्ञान महायज्ञको पूर्व सन्ध्यामा आयोजित कार्यक्रममा स्थानिय भक्तजनहरुको उपस्थिति बाक्लिँदै गएको छ ।

महायज्ञको पूर्वसन्धयामा अहिले बिरौटाको प्रगति टोलमा राष्ट्रिय भजन प्रतियोगिताको लागि निर्माण गरिएको पण्डालमा विविध कार्यक्रमहरु आयोजना गरिएको छ । हरेक दिन भैरहेको उक्त कार्यक्रममा भक्तजनहरुको सहभागिता बढ्दै गएको छ ।

विशेष गरी महायज्ञको पूर्वसन्ध्याको अवसरमा भारतको उडिसा क्षेत्रमा निकै लोकप्रिय सूर्य गुरुकुलका शास्त्रीय कलाकारहरुको सहभागिता रहेको थियो ।

त्यस्तै, राष्टिय भजन गायकहरुका प्रस्तुती, लिलामय कलाकारका झाँकी प्रस्तुती, मानव सेवा फाउण्डेसनका कलाकारहरुका प्रस्तुती संगै मानव सेवा फाउण्डेसन नेपालद्वारा सञ्चालित मामाघर आश्रमका बालबालिकाका विविध प्रस्तुतीहरु पनि प्रस्तुत भइरहेका छन् ।

त्यस्तै, भोलिबाट नेपालकै कान्छी भागवत् वाचिका बाल बिदुषी अनुराधा पाण्डेयले श्रीमद्भागवत कथा प्रवचन गर्ने कार्यक्रम रहेको छ ।