काठमाडौं महानगरपालिका प्रमुख प्रशासकीय अधिकृत सरोज गुरागाईँको हाजिरी कापी नै मेयरको सचिवालयमा भएपछि हाजिरी कापी बनाएर हाजिर गरेका छन्।

बिहीबार गुरागाईँलाई कर्मचारीहरूले कार्यकक्षको ताला फोरेर गुरागाईँलाईं कार्यकक्षमा प्रवेश गराएका थिए। तर हाजिरी कापी नै मेयरको सचिवालयमा भएपछि उनले हाजिरी गर्न पाएका थिएनन्। नयाँ हाजिरी कपी बनाएर उनले हाजिरी गरेका छन्।

महानगरमा हाजिर गरेर उनी संघीय मामिला तथा सामान्य प्रशासन मन्त्रालयतर्फ लागे । मन्त्रालयको बैठकमा सहभागी हुन आफू त्यहाँ जान लागेको उनले बताए ।

प्रमुख प्रशासकीय अधिकृतको गाडीमा महानगर प्रहरीले ‘ह्वील लक’ गरिदिएको छ।

प्रशासकीय अधिकृतलाई हाजिर गराउन महानगरका प्रवक्ता नवीन मानन्धरसहितका वडाध्यक्षहरू कार्यालय पुगेका थिए । महानगरलाई जनप्रतिनिधिले चलाउनुपर्नेमा नगर प्रहरीबाट चलाउन खोजिएको उनीहरुको आरोप छ।