मृत रतुवा मृग र अवैध हातहतियारसहित दुईजना पक्राउ

मृत रतुवा मृग र अवैध हातहतियारसहित दुईजना पक्राउ

arrested pic

स्याङ्जामा गएराति मृत रतुवा मृग र अवैध हातहतियारसहित दुईजना पक्राउ परेका छन् । अवैध हातहतियारसहित मानिस हिंड्डुल गरेको भन्ने गोप्य सूचनाका आधारमा उनीहरूलाई पक्राउ गरिएको हो ।

पुतलीबजार नगरपालिका – ११ जाँडखोला उनियाचौर स्थित माझीडाँडा जङ्गलबाट उनीहरूलाई पक्राउ गरिएको जिल्ला प्रहरी कार्यालय स्याङ्जाले जनाएको छ ।

पक्राउ पर्नेमा पुतलीबजार नगरपालिका – १० धिमाटीका ४४ वर्षीय हर्क बहादुर गुरुङ र पुतलीबजार – ११ फापरथुमका ४३ वर्षीय सोम बहादुर गुरुङ रहेको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक हरिप्रसाद पौडेलले जानकारी दिए ।

पक्राउ परेका आरोपितका साथबाट अवैध एकनाले भरुवा बन्दुक र मृत अवस्थामा रहेको पोथी जातको रतुवा मृग बरामद भएको डिएसपी पौडेलले बताए ।

आरोपितहरुलाई नियन्त्रणमा लिई थप अनुसन्धान सुरु गरिएको प्रहरी कार्यालयले जनाएको छ । मृगको शव परिक्षणका लागि डिभिजन वन कार्यालय स्याङ्जामा जानकारी गराई भेटेनरी अस्पताल स्याङ्जा पठाइएको छ ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

राम बहादुर रोकाहा

राम बहादुर रोकाहा

रोकाहा स्याङ्जा केन्द्रित पत्रकारिता गर्छन् ।

ट्रेन्डिङ