स्याङ्जामा विङ्गर भ्यान दुर्घटना: एकको मृत्यु, एक घाइते

स्याङ्जामा विङ्गर भ्यान दुर्घटना: एकको मृत्यु, एक घाइते

wlg majhkot accident

स्याङ्जाको वालिङ् नगरपालिका – ६ माझकोटमा विङ्गर भ्यान दुर्घटना भएको छ । दुर्घटनामा परी एक जना महिलाको घटनास्थलमै मृत्यु भएको छ भने चालक घाइते भएका छन् ।

मृत्यु हुनेमा वालिङ् नगरपालिका – ७ हिलापानी बस्ने ४८ वर्षीया दिलसरा आले रहेकी छन् । भ्यानमा सवार आले दुर्घटनास्थलमा नै मृत भेटिएको जिल्ला प्रहरी कार्यालय स्याङ्जाका प्रहरी निरीक्षक प्रवेश तिवारीले बताए ।

त्यस्तै, दुर्घटना पश्चात् फरार रहेका चालक २८ वर्षीय सुरज थापा घाइते अवस्थामा फेला परेकोमा प्राथमिक स्वास्थ्य केन्द्र वालिङ्मा सामान्य उपचारपछि थप उपचारका लागि पोखरा रिफर गरिएको तिवारीले जानकारी दिए ।

आइतबार सबेरै करिब ३ बजे वालिङ् – चापाकोट भित्री सडकखण्डमा ग १ ज ७५११ नम्बरको विङ्गर भ्यान सडकबाट करिब १५० मिटर तल खस्दा दुर्घटना भएको तिवारीले जानकारी दिए । दुर्घटनाको कारण भने खुलेको छैन ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

राम बहादुर रोकाहा

राम बहादुर रोकाहा

रोकाहा स्याङ्जा केन्द्रित पत्रकारिता गर्छन् ।

ट्रेन्डिङ