अर्जुनचौपारीमा भलिबल उपाधि राङ्खोलालाई

अर्जुनचौपारीमा भलिबल उपाधि राङ्खोलालाई

rangkholalai upadhiii (1)

अर्जुनचौपारी गाउँपालिका – १ बजार खेलमैदानमा दरौंखोला युवा परिवारले आयोजना गरेको पुरुष भलिबलको उपाधि राङ्खोला युवा क्लबले जितेको छ । राङ्खोलाले आयोजक ‘ए’ लाई ३ – ० को सोझो सेटमा २५ – २२, २५ – १४ र ३० – २८ अङ्कले पराजित गर्दै उपाधि जितेको हो ।

उपाधि जितेसङ्गै राङ्खोलाले एक लाख ३१ हजार १११ रुपैयाँ नगदसहित शिल्ड, मेडल र प्रमाणपत्र हात पारेको हो । उपविजेतामा सिमित आयोजक ‘ए’ ले भने शिल्ड, मेडल र प्रमाणपत्रसहित ८१ हजार १११ रुपैयाँमा चित्त बुझाएको हो ।

बिहिबार दरौंखोला खेलमैदानमा भएको प्रतियोगितामा सम्झना युवा क्लबले अग्रदिप युवा क्लबलाई ३ – १ को सेटमा पराजित गर्दै तेस्रो बनेको हो । सम्झनाले अग्रदिपलाई २० – २५, २५ – २३, २९ – २७ र २५ – २० अङ्कले पराजित गरेको हो ।

प्रतियोगितामा तेस्रो बनेको सम्झनाले ४१ हजार १११ रुपैयाँ र सान्त्वना बनेको अग्रदिपले ११ हजार १११ नगदसहित नगदसहित शिल्ड, मेडल र प्रमाणपत्र पाएका हुन् ।

प्रतियोगितामा उत्कृष्ट खेलाडी सन्जु बिक्रम शाह (राङ्खोला), अनुशासित खेलाडी यम क्षेत्री (सम्झना), उत्कृष्ट स्पाइकर विष्णु क्षेत्री (आयोजक), उत्कृष्ट ब्लकर लेशन गुरुङ (राङ्खोला), उत्कृष्ट क्वीकर हिमाल सुनारी (आयोजक), उत्कृष्ट सेटर सुपेन्द्र परियार (अग्रदिप) र उत्कृष्ट डिफेन्डर अनिश गौतम (आयोजक) बनेका छन् । विधागत उत्कृष्ट बनेका खेलाडीलाई ट्रफी र मेडलले पुरस्कृत गरिएको खेल संयोजक रामचन्द्र केसीले बताए ।

फागुपूर्णिमा २०८१ को अवसरमा अन्तर वडा स्तरीय पुरुष भलिबल प्रतियोगिता फागुन २९ गतेदेखि सुरु भएको प्रतियोगितामा ८ टिमको सहभागिता रहेको थियो ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।

प्रतिक्रिया

लेखकको बारेमा

राम बहादुर रोकाहा

राम बहादुर रोकाहा

रोकाहा स्याङ्जा केन्द्रित पत्रकारिता गर्छन् ।

ट्रेन्डिङ