रेबिज लागेका मृत जनावरहरु किनबेच गर्ने दुईजनालाई स्याङ्जा प्रहरीले पक्राउ गरेको छ । रेबिजको लक्षण देखिएका मृत जनावरहरु किनबेच गर्ने वालिङ्का दुईजनालाई पक्राउ गरिएको हो ।
पक्राउ पर्नेमा वालिङ् नगरपालिका – ५ का ५५ वर्षीय राजेन्द्र बहादुर केसी र ८ का ५० वर्षीय शंसुदिन मियाँ रहेका छन् ।
केसीले संक्रामक रोग रेबिजको लक्षण देखिएका घर पालुवा जनावरहरु एउटा भैंसी, एउटा भैंसीको पाडो, एउटा बाख्रा र एउटा बाख्राको पाठी बेचेका थिए भने मियाँले जनावरहरु खरिद गरेका थिए । संक्रामक रोग रेबिजको लक्षण देखिएका जनावरहरु किनबेच गरेका दुईजनालाई नै पक्राउ गरिएको प्रहरीले जनाएको छ ।
विशेष सूचनाका आधारमा जनावरहरु खरिद गरेर वालिङ्बाट भीरकोटतर्फ लैजाँदै गरेको अवस्थामा प्रहरीले मियाँलाई पक्राउ गरेको हो । सिद्धार्थ राजमार्गस्थित वालिङ् – १ मा मियाँले जनावरहरु लैजाँदै गरेको सवारीसाधन नियन्त्रणमा लिएर खानतलासी गर्दा प्रहरीले मृत जनावरहरु बरामद गरेको डिएसपी पौडेलले बताए ।
वालिङ् नगरपालिकाको पशु प्राविधिक टोलीले मृत भैंसीको परिक्षण गर्दा संक्रामक रोग रेबिजको लक्षण देखिएको पुष्टि भएको डिएसपी पौडेलले जानकारी दिए ।
पक्राउ परेका दुईजनालाई संक्रामक रोग फैलाउन नहुने कसुर मुद्दामा जिल्ला अदालत स्याङ्जाबाट म्याद थप गरेर आवश्यक अनुसन्धान अगाडि बढाइएको प्रहरीले जनाएको छ ।
सम्बन्धित खबर
रेबिज लागेका मृत जनावरहरु किनबेच गर्ने दुईजना पक्राउ
ज्येष्ठ नागरिकहरुलाई सामाजिक विकास कार्यालयको तीन लाख अनुदान
‘एक्याप खारेज गर्नुपर्छ, स्थानीयले प्राकृतिक स्रोत उपयोग गर्न पाएनौँ’
मेयर धनराज आचार्य १२ दिनपछि डिस्चार्ज
आज मगर एकता दिवसः नवलपुरका सबै स्थानीय तहमा सार्वजनिक बिदा
आत्मिक जागरणले मानवलाई समृद्धितर्फ उन्मुख गराउँछः प्रदेश प्रमुख भट्ट
यो पनि पढौँ
पोखरामा जीपको ठक्करबाट आमाको मृत्यु, छोरा गम्भीर घाइते
जापानमा पीएचडी गरिरहेका सडक विभागका कर्मचारीको निधन
पोखरा लेकसाइडमा २० औं फेवा महोत्सव हुने
पोखरामा माटोको ढिस्कोले पुरिएर धादिङका बस्नेतको मृत्यु